Árbók Hins íslenzka fornleifafélags - 01.01.1965, Blaðsíða 78

82
ÁRBÓK FORNLEIFAFÉLAGSINS
þó bjúgsnið á, endarnir stýfðir, breidd og þykkt mest við miðju.
Afturhjalt sveigist lítið eitt enda á milli, bæði að ofan og neðan,
og veit sveigjan inn að meðalkafla, neðri boghliðin krappari, hlið
sú, sem upp sneri í gröf, sveigist út lítið eitt og fláir auk þess að
neðri brúninni, hin er bein og lóðrétt. Endar flá að neðri brún.
Breidd við miðju er um 2,1 sm. Að ofan mótar fyrir tangaenda. Öll
þykkt verður 1,6 sm. Fremra hjalt er sett saman á langveg, og má
greina, að kinn er á hliðum, og ganga naglar þversum. Það er boga-
dregið að ofan, að neðan flatt, lóðrétt og íbjúgt á hliðum. Breidd
þess er nál. 2,3 sm, þ. um 1,7 sm. Upp um opið rís stúfur tanga.
Meðalkafli sverðsins, sem brotnað hefur um þvert við enda og
mjög hefur úr kvarnazt, er um 10,3 sm á 1., þvm. allt nál. 3,6 sm.
Hann er að aðallögun sívalur, en flatzt hefur hann talsvert á þeirri
hlið, sem upp sneri. Tangajárnið sveigist hér inn við báðar brúnir.
Á hliðunum er viðarkinn, og yfir er vafið grönnum, snúnum þræði
og sívafið þversum. Leifar kveikingar eru á tangahliðum á báðum
endum. Sverðsbrandurinn hefur brotnað um þvert í sex hluta, og
vi'ða hefur dottið upp úr honum. Breidd uppi við hjalt er 5,9 sm,
þ. þar 1,2 sm, br. við miðju 5,2 sm, þ. innan við 1,5 sm, en breiðastur
og þykkastur er sverðshluti þessi á neðri helft efsta brots og ekki
langt frá hjalti, þar leifar fetilfestu, og verður breidd á þessu bili
mest 8,3 sm, en mest þykkt 3,7 sm. Slíður eru eydd mjög og af
fallin. Eru þau úr viðarþynnum og klædd utan smáofnum dúk. Á
oddi eru leifar strendra slíðurbrúna og hér sitja á dúklögn fínhruf-
óttar skánarleifar, sem ætla má, að séu af leðurhlíf. Vel má greina,
að laut liggur eftir blaðhliðum miðjum.
Skal nú vikið nánar að leifum fetilfestu. Á efsta brandbrotinu,
rúml. 3 sm frá hjalti og þeim megin, sem niður sneri í gröf, rís
stór og hrjúf bunga með greinilegum leifum járnhlífar, er sett hefur
verið ofan á slíðrin. Myndast börð á brúnum báðum megin. Er
bogsnið á barðinu, sem að gröf vissi, en hinum megin er lagið óreglu-
legt, liggur barð samhliða egg, en við miðju þess skagar fram all
stór oddur, hluti hlífarþynnu. öll lengd bungunnar er um 11 sm, og
nær hún niður að brotenda. Gegnt henni á blaðinu, og þeim megin,
sem upp sneri, vottar fyrir annarri, en ekki verður hér greind nein
hlíf. Við efri enda barðsins, sem oddur er á, liggur grannur vír þvers-
um á slíðurviði. Tæplega 31 sm frá hjalti og á brandbrún þeirri, sem
að gröf vissi, myndast bogadregið barð, 1. um 5,5 sm., kúpt nokkuð á
neðra borði. Kynnu hér að vera leifar sama útbúnaðar, en ekkert
verður um það sagt.