Árbók Hins íslenzka fornleifafélags - 01.01.1965, Blaðsíða 138

SKYRSLA UM ÞJÓÐMINJASAFNIÐ 1964
Starfslid.
Fastir starfsmenn safnsins voru sem hér segir:
Kristján Eldjárn þjóðminjavörður,
Gísli Gestsson safnvörður,
Halldór J. Jónsson safnvörður,
Þór Magnússon safnvörður,
Þorkell Grímsson safnvörður,
Karla Kristjánsdóttir aðstoðarmaður.
Enn fremur vann Elsa E. Guðjónsson M. A. hálft starf sem safn-
vörður, og er sérsvið hennar að annast veftir safnsins. Eina breyt-
ing, sem á er orðin siðan í fyrra, er sú, að Þór Magnússon fil. kand.
var settur safnvörður við hina nýju þjóðháttadeild frá 1. jan. 1964
að telja, sbr. greinargerð um þjóðháttadeildina hér á eftir. Þess er
þó einnig að geta, að með atbeina þjóðminjavarðar veitti Alþingi
þjóðháttadeildinni kr. 150.000.00, sem renna skulu óskiptar til Lúð-
víks Kristjánssonar, rithöfundar í Hafnarfirði, til þess að gera
honum kleift að helga sig undirbúningi ritverksins „Islenzkir sjávar-
hættir“. Er Lúðvík þannig á vissan hátt tengdur safninu og þó
einkum þjóðháttadeild þess.
Eins og að undanförnu vann Guðmundur Þorsteinsson frá Lundi
í safninu um fjögurra mánaða skeið og fékkst einkum við viðgerðir
safngripa. Ari Gíslason vann að örnefnasöfnun eins og áður, en
Þórður Tómasson var Þór Magnússyni til aðstoðar við samantekn-
ingu spurningalista um þjóðhætti. Hallfreður örn Eiríksson ferð-
aðist um landið yfir sumarmánuðina og safnaði alþýðutónlist og
þjóðfræðum.