Árbók Hins íslenzka fornleifafélags - 01.01.1965, Blaðsíða 150
154
ÁRBÓK FORNLEIFAFÉLAGSINS
gerði margar athuganir, sem of langt yrði upp að telja. Aðalmark-
mið ferðarinnar var að skoða Papey og huga að þeim minjum, sem
þar kynni að vera að sjá. Eyddi hann í þetta einum degi og skoð-
aði vandlega alla þá staði í Papey, sem helzt virðist koma til mála
að rannsaka. — I þessari ferð rannsakaði hann sérstaklega manna-
beinafundi í Lönguhlíð í Hörgárdal og á Gauksstöðum á Jökuldal
og kuml frá söguöld á Austarahóli í Fljótum, og var hið síðast-
nefnda alleftirtektarvert.
Áfram var haldið á þessu ári að líta eftir friðlýstum stöðum í
Gullbringusýslu (og reyndar að nokkru 1 þeim sýslum, sem þjóð-
minjavörður fór um á ferð sinni), og sett voru upp fyrstu friðlýs-
ingarmerkin, en slík merki voru útbúin á þessu ári í því skyni að
setja þau upp sem víðast við friðlýstar minjar. Nauðsynlegt er að
halda þessu verki áfram með auknum krafti.
Hinn 27. apríl voru Þór Magnússon og Guðmundur Þorsteinsson
í Saurbæ á Hvalfjarðarströnd og gerðu upp leiði Hallgríms skálds
Péturssonar og hreinsuðu legstein hans.
í framhaldi af ársskýrslu síðastliðins árs ber að geta þess, að
Hörður Ágústsson listmálari hélt áfram því starfi, sem þar er
getið, að kanna og mynda gömul hús víða um land, enn sem fyrr
í allnánu samráði við Þjóðminjasafnið. Auk þess kynnti hann sér,
hvað til væri af heimildum um sögu íslenzkrar húsagerðar í söfn-
um á Norðurlöndum, og lét gera eftirmyndir af ýmsum slíkum
gögnum handa safninu.
Loks skal þess svo getið, þótt ekki heyri undir fornleifavörzlu,
að Sigurvin Einarsson alþingismaður kom því til leiðar, að veitt
var fé í fjárlögum til þess að láta gera minningartöflu um Eggert
Ólafsson skáld og náttúrufræðing. Bað hann síðan þjóðminjavörð
að eiga hlut að máli um framkvæmdina. Lét hann steypa plötu úr
koparblendingi, um 100X125 sm á stærð, og á henni svohljóðandi
áletrun: Eggert Ólafsson / skáld og náttúrufræðingur / lagði frá
Skor / hinn 30. maí 1768 / og fórst þann dag á Breiðafirði / ásamt
konu sinni / og skipverjum. Og neðan við þetta erindi: Ef þrútið er
loftið, þungur sjór / og þokudrungað vor, / þú heyrir ennþá harma-
ljóð, / sem hljóma frá kaldri Skor. / M. J. — Hefur vitamálastjóri
veitt leyfi til þess að taflan verði fest upp á fótstalli vitans í Skor.
Erlendir fræðimenn.
Margir erlendir fræðimenn og safnmenn sóttu safnið heim á
þessu ári, en þó enginn til lengri dvalar. Af þeim sem hingað