Réttur - 01.01.1961, Síða 7

R É T T U R
7
fólks og þar með þjóðarheill verði það lögmál, sem látið sé ráða
í atvinnulífinu. Þessi samtök alþýðunnar þurfa að tryggja lýðræð-
ið í stjórnmálum landsins í bandalagi við öll framsækin öfl í
þjóðlífinu. En það eitt nægir ekki, það þarf líka að koma á lýð-
ræði í efnahagslífi þjóðarinnar, svo þar sé alls staðar stjórnað
með hag almennings fyrir augum. Til þess að svo megi verða
þarf að beita í vaxandi mæli sósíalistiskum úrræðum. Slík lýð-
ræðisstjórn á atvinnulífinu þarf að sameina þrauthugsaðan áætl-
unarbúskap og nýjustu véltækni í framleiðslu — auk þess sem
hún afnemur arðrán auðhringa á verkalýðnum, bændum og öðru
vinnandi fólki.
Þjóðin þarf að setja sér það mark að losa Alþingi Islendinga
úr þeim fjötrum erlends valds, sem verið er að hneppa það í.
Þjóðin má ekki una því, að Alþingi verði að nýju svínbeygt undir
valdboð erlendra auðdrottna sem á fyrri niðurlægingartímum.
Skilyrði fyrir viturlegri og réttsýnni lausn efnahagsmálanna og
skjótri, heilbrigðri og friðsamlegri þróun atvinnulífs á Islandi er
samstarf Alþingis, ríkisstjórnar og þeirra samtaka alþýðunnar, er
hafa meirihluta vinnandi fólks innan sinna vébanda. Með því
móti tryggir þjóðin sífellda, virka þátttöku fólksins og samtaka
þess í stjórn landsins, gerir lýðræðið að virku valdi fólksins.
Með slíku vakandi og virku lýðræði væri eigi aðeins lýðstjórn
og lýðvald í landinu tryggt, heldur og sköpuð skilyrði þess að
stíga þau skref, sem nauðsynleg eru til að tryggja efnahagslegt og
um leið stjórnarfarslegt sjálfstæði landsins, yfirráð vor Islendinga
yfir auðlindum lands og sjávar, hagnýtingu þeirra í þágu fólksins,
stórstígar efnahagslegar framfarir og kjarabætur. Það er sú leið,
sem mörkuð er í stjórnmálaályktun 12 flokksþingsins. Og sú al-
þýða, sem upp rís til þess að ráða þannig eigin örlögum, mun
heldur ekki þola smán erlendra herstöðva á Islandi, en tryggja
brottflutning erlends hers og koma aftur á hlutleysi Islands.
Brýnasta verkefnið, sem nú ber að leysa, er að stöðva þá óheilla-
göngu er hófst með afturhaldsaðgerðum núverandi ríkisstjórnar
og leggja á ný inn á braut framfara og lýðræðis, leið íslenzkrar
alþýðu og þjóðarinnar allrar til gæfu og gengis.