Réttur - 01.01.1961, Qupperneq 61

Eí TTDE
61
hugsi um það eitt að tryggja sjálfan sig gegn skaðsemdarathæfi
nýlenduvaldssinna og láti svo yfir sig ganga hverjar ófarirnar
af öðrum á hinum alþjóðlega vettvangi. Það þarf að tryggja
mannkynið í heild gegn þessu skaðsemdarathæfi. Heimurinn
verður að losna undan hættunni á hernaðarglæfrum nýlendu-
valdssinna. Nýlendukúgunarstefnuna verður að uppræta í eitt
skipti fyrir öll og bera hana út á sorphauga sögunnar.
Hverjum stæði það nær en Sameinuðu þjóðunum að beita
sér fyrir afnámi allra nýlenduyfirráða? Því að samkvæmt
stofnskránni er það skylda Sameinuðu þjóðanna að vinna að því
að endurvekja trúna á mannréttindi og manngildi, trúna á jafnrétti
allra þjóða, hvort sem stórar eru eða smáar. Hvernig er unnt að
efla friðsamleg samskipti þjóða á grundvelli virðingar fyrir reglu
jafnréttis og sjálfsforræðis, svo sem Sameinuðu þjóðunum ber að
gera, ef það er jafnframt látið viðgangast, að ríki, sem eru öflug í
efnahags- og hernaðartilliti, reki ránstefnu sína gagnvart ýmsum
af þjóðum Asíu og Afríku þann veg, að þjóðir þessar eigi þess
ekki kost að ná rétti sínum og ráða málum sínum nema
fyrir óheyrilegar fórnir og þjáningar í blóðugri baráttu gegn
kúgurunum? Hvernig er unnt ,,að koma til leiðar sam-
starfi allra þjóða um lausn alþjóðavandamála á vettvangi efna-
hagsmála, félagsmála, menningarmála og mannúðarmála og um
glæðingu og eflingu virðingar fyrir mannréttindum og undir-
stöðuatriðum lýðfrelsis öllum til handa án greinarmunar þjóð-
ernis, kyns, móðurmáls eða trúarbragða", svo að ég vitni í 3.
málslið 1. greinar ákvæða um tilgang og stefnumið í stofnskrá
Sameinuðu þjóðanna, — ef menn loka augunum fyrir svo
hneykslanlegum þætti mannfélags vorra tíma sem nýlendu-
valdakerfið er.
Er ekki kominn tími til að hefja sigursæla úrslitasókn á
hendur nýlenduvaldastefnunni á sama hátt og siðmenntað mann-
kyn hófst handa um það fyrir einni eða hálfri annarri öld að
afnema þrælasölu og þrælahald og skapaði sér þar með víðtæk
skilyrði eigi aðeins til stjórnmálaframþróunar þjóðfélagsins,
heldur og efnahagsþróunar þess.
Ráðstjórnin telur, að tímabært sé orðið að bera fram stefnu-
skrá fullkomins og algers afnáms nýlendustjórnarvalds í sér-
hverri mynd og binda þar með endi á þessa svívirðu, siðleysi
og villimennsku.
Þegar ég var að semja þessa ræðu, gerði ég mér ljóst, að
ekki myndu allar þjóðir, sem sæti eiga á þessum fundi Alls-
herjarþingsins, fagna tillögum Ráðstjórnarríkjanna, því að við
hlið fulltrúa frá frjálsum og óháðum ríkjum sitja hér ýmsir