Réttur - 01.01.1961, Blaðsíða 86
86
BÉTTDR
fjárhagsaðstoðar, en vitaskuld höfðu Frakkar skilið þannig við
löndin, að þar skorti svo til með öllu tæknimenntaða og háskóla-
menntaða menn. Leiðtogar íbúanna treystust ekki til að mæta
þvílíkum refsiaðgerðum og ráðlögðu kjósendum að greiða atkvæði
með frumvarpi de Gaulle, hvað var gert.
A þessu var þó ein merkileg undantekning. Sekou Touré, leið-
togi Gíneubúa, óskaði eftir sjálfstæði, en vildi þó, að Gínea væri
aðili að ríkjasambandinu. Þessu hafnaði de Gaulle af miklum
hroka: Sjálfstæði og að vera í Franska ríkjasambandinu gat ekki
farið saman. Þá greiddu Gíneubúar atkvæði með sjálfstæði — og
öllum þess afleiðingum. Það stóð ekki á Frökkum að framkvæma
hótanir sínar gagnvart Gíneu. En afleiðingarnar urðu ekki þær,
sem Frakkar höfðu vænzt. Þjóðin stóð einhuga með stjórn Sekou
Touré, og hún leitaði til sósíalískra ríkja um þau efni, sem Frakk-
ar höfðu svipt þá. Atvinnulíf og hagur manna varð blómlegri en
hjá meðlimum ríkjasambandsins.
Fordæmi Gíneu hafði mikil áhrif. Háværar kröfur um sjálf-
stæði hófust í löndum ríkjasambandsins með þeim afleiðingum,
að franska stjórnin sá þann kost vænstan að slaka enn til og veita
aðildarríkjunum á s.l. ári sjálfstæði, sem m. a. fól í sér eigin stjórn
utanríkismála. Hins vegar halda Frakkar enn miklum ítökum í
þessum löndum. Þeir halda t. d. öllum herstöðvum sínum og þar
með í rauninni hernaðarlegum yfirráðum. Auk þess njóta Frakkar
ýmissa ívilnana á sviði efnahagsmála og að því er varðar nýtingu
hernaðarlega mikilvægra efna. Má enda sjá það á afstöðu þessara
ríkja á vettvangi SÞ, að þau eru ekki ein í ráðum.
Ríki þessi eru: Kamerún, Togoland, Malagasy (Madagascar),
Chad, Miðafríkulýðveldið, Kongó (þ.e. fv. franska Kongó), Gabon,
Dahomey, Niger, Efri Volta og Fxlabeinsströndin. Mali-ríkjasam-
bandið, sem hlaut sjálfstæði í júní, klofnaði í september í frum-
parta sína, Senegal og Mali, sem áður var franska Súdan. Senegal,
sem er náttúruauðugra land, olli klofningnum vegna áhrifa þeirra
auðfyrirtækja, sem nytja náttúruauðæfi þess og þótti ríkið heldur
miklu þurfa að eyða í hið fátæka Mali. En Mali verður nú að
teljast eitt af þremur forysturíkjum Svörtu-Afríku, við hliðina á
Ghana og Gíneu, og tók m. a. þátt í hinni sögulegu ráðstefnu