Samvinnan - 01.10.1933, Qupperneq 114

FJÓRÐA BÓK.
Neyzlan.
FYRSTI KAPÍTULI.
Neyzlan í sambandi við framleiðsluna.
Hvað er neyzla?
Að neyta einhverrar nytsemdar er að notfæra sér
hana til þess að fullnægja einhverri þörf. Þar með er nyt-
semdinni varið til þess að fylla þann tilgang, sem ætlað
var í fyrstu, þegar hún var framleidd. Neyzlan er því
eins konar takmark eða fullkomnun sjálfs framleiðslu-
starfsins; hún er síðasti hlekkurinn í keðjunni, þar sem á
undan fór framleiðsla, viðskipti og eignaskipting. Neyzl-
an er miklu merkilegra atriði í hagfræðinni en virðast
mætti eftir því, hve kenningarnar um hana taka lítið rúm
í kennslubókunum, og á það ekki sízt við um þessa bók.
Spumingar þær og viðfangsefni, sem vekja má í sambandi
við neyzluna, eru afar mörg og fjölbreytileg, en flest eru
þau atriði lítt rannsökuð ennþá. Og ekki er það ósenni-
legt, að síðar meir muni endurnýjun hagfræðilegra vís-
inda eiga upptök sín einmitt hér. Ef til vill væri rökrétt-
ast að byrja á neyzlunni, þótt hér sé talað um hana
síðast.
Gæta verður þess, að leggja ekki ranga merkingu í