Andvari - 01.01.1985, Side 52

50
SIGURÐLIR STEINPÓRSSON
ANDVAKI
XXII
Sigurður Þórarinsson var bæði félagslyndur og bóngóður og hlóðust
á hann ýmis konar félagsstörf. Fyrr var getið starfa hans í Félagi ís-
lenzkra stúdenta í Stokkhólmi og í Jöklarannsóknafélagi íslands, en
hann var formaður þess frá 1969. Hann var fyrsti formaður Jarð-
fræðafélags íslands 1966—68, formaður raunvísindadeildar Vísinda-
sjóðs 1958-78, formaður Hins íslenzka náttúrufræðifélags 1950-51 og
ritstjóri Náttúrufræðingsins 1950 og aftur 1952—55. I stjórn Ferðafélags
íslands var hann 1957—77, þar af varaforseti 1958—77 og síðast forseti
þess. Norræn samvinna var honum jafnan hugðarefni, og var hann í
stjórn Norræna hússins frá 1970, í stjórn Norrænu eldljallastöðvarinn-
ar frá 1973, eins og áður sagði, og í Norrænu ráðgjafarnefndinni um
vísindi frá 1972. Þá sat hann einnig í stjórnum Norræna félagsins,
Sænsk-íslenzka félagsins, Rithöfundafélags íslands og Stúdentafélags
Reykjavíkur. Þegar hann lét af embætti fyrir aldurs sakir sagði hann af
sér öllum launuðum aukastörfum, en taldi sér bera skylda til að halda
áfram hinum ólaunuðu ef óskað væri!
Sigurður varð heimsþekktur fyrir vísindastörf sín, og raunar
persónugervingur íslenzkrar jarðfræði út um heim. Hlotnaðist honum
margvíslegur heiður á þeim vettvangi og var hann kjörinn félagi í ýms-
um félögum, Vísindafélagi íslendinga 1946, Geological Society of
London 1954, Det Kongelige Danske Videnskabernes Selskab 1957,
Deutsche Akademie der Naturforscher Leopoldina 1961, Kungliga
Vetenskaps och Vitterhets Samhállet í Göteborg 1968, Kungliga
Fysiografiska Sállskapet í Lund 1969, Det Norske Videnskaps-Aka-
demi, Oslo 1971, Kungliga Vetenskapsakademien, Stockholm 1971,
Suomilainen tiedeakatemia 1975, The Explorers* Club, New York
1978. Heiðursfélagi var hann kjörinn í Félagi íslenzkra stúdenta í
Stokkhólmi 1951, Det norske geografiske selskap 1961, Sydsvenska
geografiska sállskapet 1967, Geological Society af America 1973, The
International Glaciological Society 1973, Geological Society of London
1974 og í Ferðafélagi íslands 1977. Heiðursdoktor var hann kjörinn
við Háskóla Islands 1961, eins og fyrr sagði. Enn hlaut hann ýmis heið-
ursverðlaun og heiðursmerki heima og erlendis vegna vísindastarfa
sinna: Spendaroff-verðlaun 20. alþjóðaþings jarðfræðinga 1960, Beck-
verðlaun Royal Geographical Society 1967, Clara-Lachmann-verðlaun
1969, Stenomedalíu 1969, Vega-medalíu 1970, Ásu Wright-verðlaun
1970 og Vitus Berings-medalíu 1976. Síðastnefnda heiðurspeninginn
hlaut Sigurður í tilefni af 100 ára afmæli danska landfræðifélagsins, og