Iðunn : nýr flokkur - 01.04.1928, Blaðsíða 33

IÐUNN
3379 dagar úr lífi mínu.
131
árangur. Hér birli ég greinarkorn milf í íslenzkri þýðingu, jafnvel
þótt meginefni þess sé flestum íslenzkum lesendum sennilega of
gamalkunnugt, til þess að þeir hafi nokkra ánægju af að rifja það
upp fyrir sér. Þýtt í maímánuði 1928.]
Ég vil gjarnan segja fáein orð um mitt eigið líf eins
og aðrir SAT-félagar. En í stað þess að lýsa einum
stuttum degi, kýs ég heldur að greina lesendunum frá
þrjú þúsund, þrjú hundruð og sjötíu og níu dögum á
hinni mótdrægu lífsleið minni.
Ég var lítillátur málfræðingur, sem umhverfðist í bylt-
ingarsinnaðan rithöfund. Eftir málfræðinám mitt var ég
kvaddur til kennara við kvöldskóla iðnaðarmanna í höf-
uðborg vorri Reykjavík. Þar kendi ég íslenzka málfræði.
Þetta gerðist 1. október árið 1918. Með þeim degi hefst
nýtt tímabil í lífi mínu. I janúarmánuði 1921 var ég
einnig fenginn til að kenna íslenzka tungu við verzlun-
arskóla hér í bænum. Báðar þessar námsstofnanir eru
einkaskólar, er njóta styrks af ríkisfé, og iðnaðarskólinn
hefir þar að auki dálítinn stuðning frá bæjarsjóði.
Kenslutími minn stóð yfir ár hvert frá 1. október og
þar til í byrjun maímánaðar. Kaup mitt var hér um bil
þrjár krónur (nálega þrír svissn. frankar) fyrir hverja
kenslustund. Þar að auki fékk ég þá og fæ enn þá
lítilsháttar styrk úr ríkissjóði til þess að safna orðum og
orðatiltækjum úr íslenzku alþýðumáli. A sumrin hefi ég
flakkað fótgangandi um landið með poka á baki og
safnað málvísindum. Arið 1922 birti ég Leiðarvísi urrt
orðasöfnun handa sjálfboðaliðum við söfnunina víðs vegar
um land.
Þessi ár um vetrarmánuðina sökti ég mér einnig
niður í spíritisma, guðspeki og indverska heimspeki. Ég
þýddi og með tveimur vinum mínum tvö rit um yoga-
heimspeki. Jafnframt iðkaði ég árum saman margvíslegar