Iðunn : nýr flokkur - 01.04.1928, Page 44

142
3379 dagar úr lífi mínu.
IÐUNN
Þennan útúrdúr hefi ég gert vegna þess, að ég er
einlægur fylgifiskur esperantóhreyfingarinnar og að esper-
antóritin hafa tekið mikinn tíma af síðustu þrjú þúsund,
þrjú hundruð og sjötíu og níu dögum æfi minnar. Það er
og óblandin ósk mín, að hin háleita hugsjón esperantista
veki hið sljóa mannkyn af doða heimskunnar. Og ég er
sannfærður um að bezta vopn vort í þessu skítverki
verða vel ritaðar, skemtilegar og nytsamar bókmentir.
í dag er fyrsti janúar 1928. Sólin hangir dimmrauð
niðri við sjóndeildarhringinn. ]örðin er hjúpuð þunnri
snjóbreiðu. Hljóðlát hænsni spígspora með fyrirlitningu
fyrir utan gluggann minn. Þreytulegar mannamyndir
þramma þungum skrefum eftir götunni, niðurdregnar af
ofáti hátíðisdaganna, sem haldnir eru til minningar um
frelsara sálarinnar. Ég sit við skrifborðið mitt og hand-
leik gömul orð, brotna bautasteina löngu dáinna daga.
Þrjú þúsund, þrjú hundruð og sjötíu og níu dagar úr
lífi mínu eru runnir út í gímald óendanleikans.
Þórbergur Þórðarson.