Sjómannadagsblaðið - 05.06.1988, Blaðsíða 103
SJÓMANNADAGSBLAÐIÐ
101
SKJÓL í LAUGARÁSI
RÆTT VIÐ SIGURÐ H. GUÐMUNDSSON
Hrafnista í Laugarási hefur
verið öldruðum skjól í
meira en þrjátíu ár — en
nú er þar risið nýtt Skjól, hjúkrunar-
og umönnunarheimili sem Sjó-
mannadagsráð er aðilji að og starfa
mun í nokkurri samvinnu við Hrafn-
istu og er innangengt milli heimil-
anna neðanjarðar. Að Skjóli standa,
auk Sjómannadagsráðs: Samband
lífeyrisþega BSRB, Alþýðusam-
band Islands, Stéttarsamband
bænda, Reykjavíkurborg og Þjóð-
kirkjan. Stjórnarformaður Skjóls er
Guðjón B. Baldvinsson.
,.Það má segja, að Skjól hafi risið
vegna þess að mönnum varð ljóst að
það blasti við neyðarástand í hjúkr-
unarmálum aldraðra," segir síra Sig-
urður Helgi Guðmundsson, en á
hans herðum hefur að miklu leyti
hvílt fjárútvegun og umsjá með
framkvæmdum að byggingu hins
nýja heimilis.
Síra Sigurður var kjörinn sóknar-
prestur í Víðistaðasókn 1977 og
kynntist þá starfsemi Hrafnistu í
Hafnarfirði.
„Já, við vorum aðstöðulausir í
sókninni og fengum inni með okkar
starf á Hrafnistu sem þá var í bygg-
ingu. Þangað flutti ég með skrifstofu
mína um leið og heimilið var tekið í
notkun haustið 1977. Lítil kapella
var útbúin í enda samkomusalar
heimilisins og þar messaði ég í meira
en tíu ár eða þangað til okkar nýja
kirkja komst í gagnið. Að hluta til
spretta afskipti mín af öldrunarmál-
um af þessum tengslum mínum við
Hrafnistu í Hafnarfirði, en Sjó-
mannadagsráð hefur, sem kunnugt
er, haft forystu í elliþjónustu um
langt árabil og kynntist ég þarna frá
fyrstu hendi hvernig ástatt var í öldr-
unarmálunum. Ég var reyndar kos-
mn í stjórn ellimálasambands Norð-
urlanda 1977 og 1981 þegar Öldrun-
arráð Islands var stofnað gerðist ég
þar formaður. Og það var einmitt
innan Öldrunarráðs íslands sem
hugmyndin að Skjóli kviknaði.
Fulltrúi Sambands lífeyrisþega
BSRB innan ráðsins varpaði því
fram hvort við gætum ekki sjálfir
haft forystu um að bæta úr ríkjandi
neyðarástandi í hjúkrunarmálum
Síra Sigurdur H. Guömundsson.
aldraðra. Ekkert hjúkrunarheimili
var þá fyrirsjáanlegt hér á höfuð-
borgarsvæðinu nema B-álma Borg-
arspítalans, sem raunar hefur ekki
enn verið tekin í notkun, þrátt fyrir
að hafa verið árum saman í bygg-
ingu. Neyðin var svo mikil að okkur
fannst við ekki geta lengur setið með
hendur í skauti, haldið fundi og gert
ályktanir, heldur yrðum við að láta
verkin tala.
Undireins og sex framangreindir
aðiljar höfðu gert með sér sam-
komulag um að ráðast í byggingu
Skjóls var hafist handa. í samvinnu
við stjórn Sjómannadagsráðs var
húsið teiknað og frá upphafi gert ráð
fyrir að samnýta ýmsa þjónustuþætti
sem eru á Hrafnistu í Reykjavík, svo
sem eldhús og þvottahús. Bygging-
arframkvæmdir hófust svo 1985 og
nú, rúmum tveimur árum síðar, er-
um við þegar búnir að taka tvær
hæðir í notkun og þriðja hæðin
kemst í gagnið síðar á árinu. Við
vonumst til að geta lokið öllum
framkvæmdum við húsið á næsta ári.
Fjár hefur verið aflað með ýmsum
hætti, en að stærstum hluta kemur
fjármagnið frá ríki og borg. Samið
var um að við fengjum 35% af bygg-
ingarkostnaði úr Framkvæmdasjóði
aldraðra, og Reykjavíkurborg hét
því við upphaf verksins að leggja
fram 65 milljónir verðtryggðar og á
aðeins eftir að reiða fram síðustu
umsamda afborgun. Sjómannadag-
urinn lagði fram sinn skerf, en síðan
höfum við þurft að taka fé að láni hjá
Húsnæðismálastjórn, auk þess sem
bæði eintaklingar og félög hafa
styrkt þessar framkvæmdir með
stórum og smáum framlögum.
Verkamannafélagið Dagsbrún kost-
aði t.d. 1 rúm og Zoroptomista-
klúbbur Reykjavíkur gaf okkur 1
milljón, svo dæmi séu nefnd. Þá höf-
um við efnt til svokallaðs Átaks til
Skjóls fyrir jólin, selt merkimiða og
fleira til jólahaldsins og á sínum tíma
seldum við „hvíta pennann". Allt
hefur þetta haft sitt að segja.
Á núgildandi verðlagi kostar Skjól
að líkindum um 370 milljónir króna
— og erum við enn undir kostnaðar-
áætlun. Húsið hefur byggst hratt og
það er ódýrara þegar upp er staðið.
Við höfum líka getað tekið afstöðu
til allra vandamála undireins og þau
hafa komið upp og byggingarfram-
kvæmdir því ekki tafist vegna þess
að úrskurðar hafi þurft að leita hjá
svo og svo mörgum nefndum, eins
og stundum vill verða.
í Skjóli eru þrjár hjúkrunardeildir
sem hver um sig hýsir þrjátíu sjúkl-
inga; síðan verður hér dagvistun
fyrir u.þ.b. tuttugu manns og