Sjómannadagsblaðið - 05.06.1988, Blaðsíða 162
160
SJÓMANNADAGSBLAÐIÐ
ANTON NIKULÁSSON
MINNING
egar síöasta kallið kemur er
gott að fá að kveðja á sama
hátt og minn góði samstarfs-
maður og félagi Anton Nikulásson
vélstjóri, en hann lést í svefni þann
26. júní 1987, þá staddur á Akureyri í
sumarleyfisferð með konu sinni.
Anton var að vísu búinn að ganga í
gegnum mikið veikindastríð síðustu
árin, en okkur sem höfum átt u.þ.b.
vikulega fundi með honum um langt
skeið hnykkti þó við fregninni um
fráfall hans, því lengi hafði hann
ekki litið betur út eða virtst frískari
en þegar hann kvaddi og hélt af stað í
sumarleyfi sitt til Vopnafjarðar. En
þar fæddist Anton Marino, eins og
hann hét fullu nafni, 30. október
1923.
Alltaf hélt hann tryggð við fæðing-
arbyggð sína, tók þátt í og aðstoðaði
heimamenn m.a. við fjár- og efnis-
söfnum til elliheimilisins þar á staðn-
um.
Ég mun alltaf minnast gleði-
glampans í augum hans, þegar
áfanga var náð í þeirri framkvæmd.
Slíkan glampa fékk ég oft að sjá á
þeim árum sem Anton var náinn
samstarfsmaður minn í stjórn Sjó-
mannadagsráðs og Hrafnistuheimil-
anna, en á þessum vettvangi hefur
margt gott verið gert í þágu aldraðra
á þessu sem fyrri árabilum.
Árið 1970 var Anton kjörinn full-
trúi í ráðið fyrir Mótorvélstjórafélag
Islands. Að vonum var jafn félags-
lyndur og stéttarfélagslega sinnaður
maður og Anton heilshugar hlynnt-
ur því að vélstjórafélögin tvö sam-
einuðust, vann því ötullega að því og
við sameininguna 1976 verður
Anton fulltrúi Vélstjórafélags ís-
lands í Sjómannadagsráði og var það
til æfiloka, alls í 17 ár. Á sameining-
arári vélstjórafélaganna var Anton
kosinn varamaður í stjórn Sjó-
mannadagsráðs og 1982 í aðalstjórn
sem meðstjórnandi og varaformaður
Anton Nikulásson
og gegndi þessum störfum til dauða-
dags.
Náin starfskynni okkar Antons
hófust 1976 er hann var ráðinn til
eftirlitsstarfa við byggingu A-álmu
Hrafnistu í Hafnarfirði. Var hann
starfsmaður okkar til ársloka 1979 og
aðstoðaði við efnisútvegun auk eftir-
litsstarfsins. Reyndist hann frábær-
lega í þessum störfum sem öðrum er
hann tók að sér fyrir samtök sjó-
manna. EftirjDetta hóf hann störf hjá
Olíuverslun Islands og vann þar til
dauðadags.
Anton átti eftirtektarverðan eig-
inleika, en það var umhyggjan fyrir
samstarfsfólki sínu, bæði ungu sem
öldnu. Tók ég eftir þessu áður en
hann hóf störf hjá Sjómannadags-
ráði, en þá starfaði hann hjá heild-
versluninni Heklu. Sama var einnig
og ekki síður eftir að hann hóf störf
hjá OLÍS.
Anton lauk meira mótorvélstjóra-
prófi Fiskifélags íslands árið 1949.
Hann sigldi á næstu árum á skipum
S.Í.S., Vitamálastjórnar o.fl.
Sjálfsagt hefur áhugi hans á félags-
málum átt sinn þátt í að hann leitaði
starfa í landi, en á því sviði var hann
ákaflega frambærilegur. Hann gat
sem góðum ræðumanni sæmir dreg-
ið saman í kjarna, meginþætti þess
sem hann vildi koma á framfæri og
flutti mál sitt skýrt og skipulega. Iðu-
lega var hann fenginn til að stýra
fundum, enda ágætur fundarstjóri.
Eiginkona Antons er Jóhanna
Guðjónsdóttir og sendi ég henni,
börnum þeirra, tengdabörnum og
barnabörnum innilegar samúðar-
kveðjur.
Pétur Sigurðsson.
Má bjóða þér áskrift?
Sjómannadagsblaðið er selt í lausasölu út um allt land
á Sjómannadaginn - en þeir sem gerast áskrifendur
fá blaðið sent heim til sín í pósti nokkru fyrr.
Hægt er að panta áskrift alla virka daga í síma
(91) 38465
eða með því að senda nafn og heimilisfang til útgefanda:
Sjómannadagsráð,
Hrafnistu DAS Laugarási,
104 Reykjavík.