Sjómannadagsblaðið - 05.06.1988, Qupperneq 199

SJÓMANNADAGSBLAÐIÐ
197
HÁTT Á ÞRIÐJA ÞÚSUND MANNS BJARGAÐ ÚR
SJÁYARHÁSKA
RÆTT VIÐ HARALD HENRYSSON
s
Imínum huga er Sjómannadag-
urinn eðlilega mjög nátengdur
Slysavarnafélaginu og það er
minn vilji að þar á milli verði ávallt
sem traustust bönd. Sjómannadag-
urinn var stofnaður til þess að vekja
athygli á hagsmunum sjómanna og
baráttumálum þeirra — og þar eru
öryggismálin auðvitað efst á blaði.
Hátíðahöld dagsins hefjast jafnan
með minningarathöfn um sjómenn
sem látist hafa við störf sín og Sjó-
mannadagurinn heiðrar þá sem unn-
ið hafa björgunarafrek. Kvenna-
deildir SVFÍ sjá víða um kaffisölu á
Sjómannadaginn og Slysavarna-
deildirnar taka víðast hvar þátt í há-
tíðahöldum dagsins, halda björgun-
arsýningar og sumstaðar sjá
deildirnar að hluta til um hátíða-
höldin. Að sjómönnum sjálfum frá-
töldum held ég að engir taki virkari
þátt í hátíðahöldum Sjómannadags-
ins en Slysavarnamenn, enda margir
hverjir starfandi eða fyrrverandi sjó-
menn.“
Svo mælir Haraldur Henrysson,
sakadómari, forseti Slysavarnafé-
lags íslands. Hann er sem kunngt er
sonur Henry A. Hálfdanssonar, sem
var aðalforvígismaður að stofnun
Sjómannadagsins og formaður Sjó-
mannadagsráðs fyrstu 23 árin í sögu
þess, en jafnframt framkvæmda-
stjóri Slysavarnafélagsins í þrjá ára-
tugi. Raunar vill svo skemmtilega til
að Haraldur Henrysson er jafnaldri
Sjómannadagsins, fæddur 1938.
„Já, Sjómannadagurinn hefur
alltaf verið mikil hátíðisdagur í mínu
lífi. í æsku minni var allt undirlagt
heima síðustu vikurnar fyrir daginn,
bæði við undirbúning hátíðahald-
anna og útgáfu blaðsins. Á Sjó-
mannadaginn fórum við svo öll í
skrúðgöngu, fylgdumst með kapp-
róðrinum og öðru því sem fram fór.
Strax og maður hafði aldur til fór
Forseti SVFÍ við merki félagsins.
Sjómannadagsblaðið/Björn Pálsson.