Uppeldi og menntun - 01.01.1994, Síða 124

BRAUTARHOLTSSKÓLI OG INDVERSKI SYSTURSKÓLINN BEDKUVADOR ________________
FRAMTÍÐARSÝN
Hér hef ég reynt að lýsa í stuttu máli hvað systurskólaverkefni Brautarholtsskóla
snýst um, en allir sem hafa áhuga á að reyna eitthvað svipað geta fengið nánari upp-
lýsingar. Ef okkur tekst að efla þetta starf í íslenskum skólum má sjá fyrir sér aukið
samstarf skóla og þeirra sem láta sig þróunaraðstoð varða hér á landi. í Svíþjóð er
t.d. sá háttur hafður á að SIDA fjórfaldar þá peningaupphæð sem nemendum tekst
að útvega í systurskólaverkefni í þróunarlöndum. Sú aðferð stuðlar að niðurbroti
„múra", sem eru oft á milli stofnana þjóðfélagsins. Þurfa Islendingar kannski að
brjóta niður einhverja „múra"?
Á undanförnum árum hefur margt gerst í íslenskum skólamálum og ný tegund
skólastarfs er að mótast. Hér er auðvitað átt við íslenska menntanetið. Þeir mögu-
leikar sem það býr yfir draga úr einangrun kennara og nemenda. Tölvusamskiptin
opna nýjar leiðir í alþjóðlegum samskiptum og efla um leið alþjóðlegan hugsunar-
hátt skólafólks. Á þann hátt á systurskólaverkefni a.m.k. eitt sameiginlegt með
menntanetinu. Systurskólaverkefni getur þó ekki höfðað til tæknidýrkunar manns-
ins enn sem komið er. En vonandi tekst á næstu árum að rækta jafnframt með ís-
lenskum nemendum hugsun sem stuðlar að samstöðu og samhjálp á alþjóðavett-
vangi.
Heimildir
Klemens Þórleifsson. 1933. Ræða flutt í vígslu Brautarholtsskóla 16. desember 1933.
[Ópr. handrit.]
Lund, Rolf Lasse. 1989. Umheimurinn og ábyrgð okkar. [Þýðandi Sveinbjörg Svein-
björnsdóttir.] Reykjavík, Menningar- og fræðslusamband alþýðu.
Sandin, Áke o.fl. 1988. Syskonskola. Rád och erfarenheter frán tre u-ldnder (SIDA, Inter-
nationelle serien nr 13).
Tyresö Ulands- och Fredsförening. 1992. Tuff bulletinen. Okt. 1992.
Þorsteinn Hjartarson. 1992. Systurskólar í þróunarlöndum. [Ópr. lokaskýrsla fyrir
Þróunarsjóð grunnskóla.]
Þorsteinn Hjartarson er skólastjóri
Brautarholtsskóla.
122