Uppeldi og menntun - 01.09.2004, Side 114

BOÐSKIPTI Í LEIKSKÓLA
börnunum að vinna saman og leika saman og höfum áhrif á leikinn með
leikefninu.
Togstreitu virtist gæta hjá sumu starfsfólki milli þeirra hugmynda um frelsið sem
ríkja á í leiknum og þeirrar vitneskju að sum börn þurfi á aðstoð fullorðinna að halda.
Rósa leikskólakennari hafði velt þessu mikið fyrir sér:
Við starfsfólkið skiptum okkur niður á valsvæðin og fyrir vikið erum við
að trufla meira en við ættum að gera. En svo erum við náttúrulega með
svo mörg börn með stuðning að við þurfum að fara inn í leikinn. Það er
því spurning hvernig frjálsi leikurinn þróast út frá því.
Viðmælendur töldu það ekki auðvelt að hlutast til um leik barna, það krefðist bæði
þekkingar og ákveðinnar færni, og Rósa hélt áfram:
Það er spurning hvort allir starfsmennirnir hafi kunnáttu og reynslu til
þess að spá rétt í þetta og gera þetta rétt. Það þarf eiginlega að kenna
starfsfólki þetta. Hvað áttu að fara langt inn í leikinn og hvenær á að fara
út úr honum aftur. Þarf þessi hjálp eða þarf hann ekki hjálp?
Kaffitímar starfsfólksins voru á sama tíma og frjálsi leikurinn og skiptist starfsfólkið
á að fara í kaffi. Að sögn gat það skapað erfiðleika að vera einn með barnahópinn
þegar eitt eða fleiri börn áttu í erfiðleikum með samskipti.
Hópstarf og hlutverk starfsmanna
í hópstarfinu vinna börnin verkefni sem framhald er á, ólíkt því sem yfirleitt gerist í
frjálsa leiknum. Að mati starfsfólks fer fram nokkurs konar samþætting á námi, sam-
skiptum og skólaundirbúningi í hópstarfinu. Beitt er vinnubrögðum sem eiga m.a. að
stuðla að því að efla hópkennd barnanna.
í huga margra starfsmanna er hópstarfið frábrugðið hefðbundnu skólastarfi í
grunnskóla að því leyti að kennsluaðferðirnar eru með öðrum hætti í leikskólanum.
Guðrún leikskólakennari lýsti þeim á þessa leið:
Ég kynni þeim ýmislegt sem gerist í nánasta umhverfi eða beini þeim inn
á brautir þannig að það veki hjá þeim áhuga. Við reynum alltaf að ræða
það sem þau hafa áhuga á.
Fram kom að börnum sem eiga í samskiptaerfiðleikum gengur yfirleitt betur í hóp-
starfinu en í frjálsum leik. Ekki voru neinar sérstakar ráðstafanir gerðar vegna þeirra,
aðeins gætt þess að ekki fari of mörg erfið börn í sama hópinn. Hópstarfið gæfi mögu-
leika á að kynnast hverju og einu barni því sami hópur er hjá sama starfsmanni allan
veturinn. Viðmælendur voru allir á einu máli um að börnin njóti þessara stunda og
þeir ekki síður, ánægjan sé gagnkvæm. Verkefni barnanna fela í sér margs konar
myndsköpun. Börnin búa eitthvað tii, annað hvort eitt eða saman. Sigrún leiðbein-
andi taldi að afraksturinn væri:
112