Uppeldi og menntun - 01.09.2004, Blaðsíða 154

MAT Á NOTKUN UPPLÝSINGA- OG SAMSKIPTATÆKNI ...
á sviði fjarkennslu tengist náið notkun upplýsinga- og samskiptatækni í stofnuninni
og var sú reynsla úr starfi nýtt við matið þar sem við átti.
Framkvæmd spurningalistakönnunar var með þeim hætti að könnunin var send
út á Netinu gegnum vefkönnunarkerfið Outcome síðla á haustmisseri 2002. Alls svör-
uðu 416 nemendur sem voru um 40% af heildarnemendafjölda það misserið. Kynja-
hlutfall og hlutfall fjarnema og staðnema í svörum reyndist nánast það sama og
þýðisins. I könnuninni sem lögð var fyrir kennara tóku 60 kennarar þátt og var hlut-
fall svarenda þar 54%. Svarhlutfall var því fremur lágt úr báðum könnunum en ekki
er hægt að segja til um hversu mörg netföng voru í notkun af þeim sem könnunin var
send á. Líklegt verður að teljast að einhver hluti nemenda og kennara hafi aldrei séð
tölvupóst um könnunina en ekki er mögulegt að segja til um hversu stór hluti það var
þar sem ekki var hægt að rekja saman svör þátttakenda og netföng.
Unnið var með megindleg gögn í tölfræðiforritinu SPSS og var notast við lýsandi
tölfræði við úrvinnslu. Við úrvinnslu eigindlegra gagna úr viðtölum og opnum
spurningum úr spurningalistakönnun var notuð sú aðferð að flokka gögnin og greina
þau í þemu. Forritið QSR Nvivo Nud*ist var notað við þá greiningu.
NIÐURSTÖÐUR VIÐTALA VIÐ STJÓRNENDUR
Þróun stofnunar
Af viðtölum við stjórnendur má ráða að landsbyggðarsjónarmið hafi mikið haft að
segja um þróun Háskólans á Akureyri sem stofnunar eins og glöggt má greina í
orðum stjórnandans sem hér mælir:
Ef við lítum á námsframboð HA þá hefur það þróast þannig að í töluvert
miklum mæli tengist námsframboðið ákveðnum fagstéttum, hjúkrunar-
fræðingum, kennurum, viðskiptafræðingum o.s.frv. og í mörgum tilvikum
eru þetta háskólamenntaðar fagstéttir sem hefur verið allmikill skortur á,
á landsbyggðinni og það hefur verið svona okkar útgangspunktur. Síðan
færist starfssvæði og upptökusvæði háskólans út um land, til þess höfum
við notað upplýsingatæknina ... fjarnámið er kannski mjög mikilvægt fyrir
áframhaldandi þróun stofnunarinnar því að þátttaka í fjarnáminu er
ákveðinn leiðarvísir hvernig námsfyrirkomulag þróast í framtíðinni, þess
vegna er mikilvægt fyrir stofnunina að leggja áherslu á fjarnámið, því að
við erum ekki í fjarnáminu fjarnámsins vegna heldur það að fjarnámið
hefur áhrif á alla stofnunina og þá sérstaklega staðbundna námið og
breytir þannig kennsluháttum í staðbundnu námi.
Ljóst er að hlutverk Háskólans á Akureyri sem háskólastofnunar á landsbyggðinni
hefur bæði áhrif á þróun námsframboðs og uppbyggingu á sviði upplýsingatækni í
námi og kennslu. Drifkraftur þessarar þróunar er fyrst og fremst áhersla stofnunar-
innar á framboð fjarnáms.
Flestir stjórnendur nefndu að hraður vöxtur Háskólans á Akureyri hefði valdið
152