Uppeldi og menntun - 01.09.2004, Blaðsíða 156

MAT Á NOTKUN UPPLÝSINGA- OG SAMSKIPTATÆKNI ...
hagræði sem fylgdi því að nýta sér upplýsingatækni í kennslunni. Vefkennslukerfið
WebCT var sérstaklega nefnt í þessu sambandi.
Stjórnendur bentu einnig á að væntingar og kröfur nemenda um notkun upplýs-
inga- og samskiptatækni skiptu líka töluverðu máli í þróunarferlinu. Til dæmis mætti
segja að þar sem WebCT væri notað vendust nemendur því að hafa aðgang að bæði
námsefni og upplýsingum og með því væri hægt að segja að ákveðinn „kúltúr"
myndaðist; nemendur færu smám saman að gera ráð fyrir almennri notkun kerfisins.
Þróun til framtíðar
Þegar rætt var um stefnumótun og þróun til framtíðar voru ýmsir þættir nefndir.
Vakin var athygli á hlutverki háskólans í alþjóðavæðingunni; að mikilvægt væri að
háskólar gegndu leiðandi hlutverki í þeirri samfélagsþróun sem alþjóðavæðingin
hefði í för með sér. Bent var á að í fjarkennslunni fælist mikil ögrun fyrir háskólann
hvað varðaði þróunarstarf, þar væru viðfangsefni og vandamál sem brýnt væri að
háskólanum tækist að leysa sem best. Nefnt var að ákveðin skilvirkni gæti falist í
samstarfi háskólastofnana eins og Háskólans á Akureyri og Háskóla Islands sem t.d.
gæti falið í sér sameiginlegt framboð þessara stofnana á námi þar sem allt námið færi
fram á Netinu. Rannsóknarstarf var til umræðu og í því sambandi bent á mikilvægi
þess að tengja rannsóknir kennaranna í meira mæli kennslu á þann hátt að kennarar
nýttu þær í starfi með nemendum sínum, miðluðu upplýsingum og sköpuðu umræð-
ur um rannsóknarefni sín.
Fjallað var um upplýsingatækni sem tæki til að víkka sjóndeildarhring nemenda.
Slíkt væri ekki hvað síst mikilvægt þegar litið væri til þess hvernig nemendahóp
verið væri að vinna með; upplýsingatækni gæti gegnt lykilhlutverki í því að stækka
heim nemenda sem margir hverjir hefðu alist upp í litlum samfélögum. En það var
líka bent á kosti þess að skólinn væri afskekktur í alþjóðlegu tilliti. Landfræðileg lega
hans skapaði honum ýmsa möguleika og tækifæri; þar leyfðist nemendum að vera
ögrandi bæði í hugsun og nálgun viðfangsefna í náminu og fræðimönnum í slíku
umhverfi gæfist oft gott tóm til þögullar íhugunar. Alþjóðastarf háskólans var nefnt
og bent á hvað það skipti miklu máli fyrir rannsóknarstarf í skólanum að kennarar
sem rannsakendur væru í samskiptum við aðra rannsakendur úti í heimi.
Einn viðmælandi varpaði því fram hvort myndast gæti ólíkur „kúltúr" hjá há-
skólaborgurum eftir því hvort þeir stunduðu staðbundið nám eða fjarnám og taldi
mikilvægt að skoða hvaða áhrif það gæti haft á þróun stofnunar:
Nú þurfum við bara að fara að velta fyrir okkur hvernig getum við miðlað
öðrum þáttum sem erfiðara er að miðla heldur en tækni ... þurfum að
horfa á aðra þætti og ... velta fyrir okkur þessu félagslega ... Hvaða áhrif
hefur það á okkur sem stofnun að við erum með fjarkennslu, við erum
með stóran hluta af okkar nemendum fjarri staðnum og við fáum ekki
tækifæri til þess að ala þá upp í okkar kúltur? Hvernig er kúlturinn á ísa-
firði eða í Reykjanesbæ? ... Hvemig eigum við að þróast sem stofnun sem
er svona skipt, með stóran hluta nemenda okkar í fjarnámi?
154