Uppeldi og menntun - 01.09.2004, Blaðsíða 157

ANNA ÓLAFSDÓTTIR
UPPLÝSINGA- OG SAMSKIPTATÆKNI í NÁMI OG KENNSLU -
NIÐURSTÖÐUR KÖNNUNAR OG VIÐTALA VIÐ FJARNEMA
Þegar niðurstöður úr spurningalistakönnun fyrir nemendur og kennara eru skoðað-
ar gefa þær nokkuð glögga mynd af því hversu tíð notkun upplýsinga- og samskipta-
tækni er og með hvaða hætti tæknin er notuð í námi og kennslu.
Notkun hugbúnaðar
Könnuð var notkun hugbúnaðar og voru á þeim lista öll helstu forrit sem nemendur
og kennarar höfðu aðgang að í skólanum á þeim tíma sem könnunin fór fram. í ljós
kom að meðal nemenda var notkun tölvupósts og ritvinnsluforrits tíðust; níu af
hverjum tíu nemendum notuðu tölvupóst og ritvinnslu vikulega eða oftar. Vefur til
upplýsingaleitar og WebCT voru notuð af átta af hverjum tíu vikulega eða oftar.
Spjallrásir notaði tæpur helmingur vikulega eða oftar en töflureiknir kom þar næst
með nálægt 40% og glærugerðarforrit með tæp 30% ef miðað er við vikulega notkun
eða meira.
Niðurstöður könnunar meðal kennara leiddu í ljós að hjá þeim var notkun glæru-
gerðarforrits til glærusýninga langalgengust. Glærusýningar voru notaðar alltaf eða
oftast í kennslu hjá meira en 85% kennara. Ritvinnsluforrit kom þar næst en 16%
kennara notuðu það alltaf eða oftast í kennslu. Notkun á öðrum hugbúnaði var
fremur takmörkuð.
Netið í námi og kennslu
Þegar spurt var um notkun Netsins í námi og kennslu kom í ljós að sex af hverjum
tíu nemendum tengdust Netinu daglega en um tíundi hluti tengdist Netinu tvisvar
til þrisvar í mánuði eða sjaldnar. Netnotkun sem tengist námsefni var á þann veg að
mest notuðu nemendur Netið til að sækja námsefni frá kennara en þar á eftir kom leit
að námsefni með leitarvélum. Notkun íslenskra og erlendra gagnagrunna á Netinu
virtist takmörkuð hjá nemendum því að meira en þriðjungur nemenda sagðist aldrei
nýta sér erlenda gagnagrunna og um 16% nemenda notuðu aldrei Gegni. Nemendur
nýttu tölvusamskiptamiðla í þó nokkrum mæli í námi sínu en sú notkun virtist vera
meira til samskipta við samnemendur en kennara. Á þetta við bæði um tölvupósts-
samskipti og spjallrásir og fram kemur í niðurstöðum að nemendum fannst sam-
skipti við samnemendur styðja sig frekar í náminu en samskipti við kennara.
Netnotkun kennara tengdist mest notkun þeirra á WebCT. Á það bæði við undir-
búning kennslunnar og kennsluathafnir. Við undirbúning kennslu kom tölvupóstur
næst og um fjórðungur kennara sagðist nota leitarvélar og rafræn gagnasöfn alltaf
eða oftast við undirbúning kennslu en notkun þeirra var takmörkuð í kennslunni
sjálfri. Þegar kom að tölvusamskiptum kennara við nemendur hafði helmingur kenn-
ara tölvusamskipti, bæði við nemendur sem hóp og einstaka nemendur, vikulega eða
oftar, en 16% kennara höfðu aldrei tölvusamskipti hvorki við nemendahópinn né ein-
staka nemendur.
155