Uppeldi og menntun - 01.09.2004, Blaðsíða 155

ANNA ÓLAFSDÓTTIR
miklu vinnuálagi sem staðið hefði rannsóknarstarfi við skólann fyrir þrifum að vissu
marki. Almennt töldu stjórnendur að upplýsinga- og samskiptatækni gegndi mikil-
vægu hlutverki í rannsóknar- og alþjóðastarfi og nauðsynlegt væri að efla slíkt starf
til að styrkja stöðu háskólans í samfélagi þjóða. Bent var á að tæknin auðveldaði mjög
samstarf fræðimanna og þátttöku í fjölþjóðlegu rannsóknarstarfi, auk þess sem hún
byði upp á ýmsa möguleika á miðlun kennslu milli háskólastofnana í alþjóðlegu til-
liti.
Stjórnendur sögðust líta á framboð fjarnáms sem leið til að efla skólann og fjölga
nemendum en einnig bentu þeir á að samfélagsleg sjónarmið eins og þörf byggðar-
laga fyrir tiltekna menntun hefði mikið að segja um það hvaða nám væri boðið í fjar-
námi á tilteknum stöðum. Athyglisvert er að fram kom að sá stakkur sem fjarnáminu
hefði lengst af verið sniðinn, þ.e. að bjóða það í samstarfi við fræðslu- og símenntun-
armiðstöðvar, byggja námið á myndun hópa á fjarkennslustöðum og nýta mynd-
fundabúnað til kennslu, hefði fyrst og fremst ráðist af aðstæðum á þeim tíma sem
fjarnáminu var hrundið af stað. Almennt voru stjórnendur sammála um að þessari
umgjörð hefði verið viðhaldið að því leyti sem gert væri fyrst og fremst vegna þess
hversu vel fyrirkomulagið hefði gefist. Tekið var þó fram að ánægja með þetta fyrir-
komulag mætti ekki að koma í veg fyrir að menn horfðu fram á veginn og tækju mið
af þeim möguleikum sem tæknin byði upp á á hverjum tíma.
Þegar kemur að þáttum er varða kennara og kennslu voru stjórnendur almennt
þeirrar skoðunar að áhugi kennara hefði mikil áhrif á hvernig notkun upplýsinga- og
samskiptatækni þróaðist. Sumir kennarar kæmu eingöngu að kennslunni sem sér-
fræðingar á einhverju afmörkuðu sviði og því ekki gefið að þeir kynnu eitthvað fyrir
sér í kennslutækni eða vildu nýta sér upplýsingatækni í kennslu; margir kysu að
kenna frekar eins og þeim sjálfum var kennt. Stjórnendur bentu þó á ýmsar sýnilegar
breytingar hjá kennurum fyrir tilstilli tækninnar eins og þær að kennarar ynnu nú
mun meira af kennsluefni á tölvutæku formi vegna þess hversu mjög það hefði aukist
að efni væri dreift til nemenda gegnum Netið.
Stjórnendur nefndu ýmsa þætti sem þeir töldu hafa áhrif á það hvernig innleið-
ingu upplýsingatækni í kennslu og þróun nýrra kennsluhátta kæmi til með að reiða
af. Fyrst ber þar að nefna þátt stoðþjónustu bæði í formi ráðgjafar og kerfisbundinna
námskeiða sem flestir töldu gegna lykilhlutverki í innleiðingu nýrrar tækni. Breytt
greiðslufyrirkomulag fyrir kennslu var þó það atriði sem flestir stjórnendur lögðu
áherslu á sem áhrifaþátt. Umræddar breytingar fela í sér að fyrirlesturinn skipar ekki
lengur þann sess að vega þyngst í launum heldur eru námskeið flokkuð í ákveðna
flokka eftir eðli og vinnulagi. Voru þeir stjórnendur sem þetta atriði nefndu sammála
um að þessi nýja leið væri líkleg til að hafa mikil áhrif á kennsluhætti. Töldu þeir að
þrátt fyrir stutta reynslu væri þegar búið að sýna sig að fyrirlestrum hefði fækkað
með þessu nýja fyrirkomulagi.
í hugum allra stjórnenda leikur fjarnámið einna mikilvægasta hlutverkið hvað
varðar þróun í notkun upplýsinga- og samskiptatækni í námi og kennslu. Fjarnámið
var nefnt sem drifkrafturinn í þessu tilliti. Leiðir sem farnar væru í fjarkennslunni
væru yfirfærðar á staðbundið nám ekki hvað síst þegar kennarar sæju margvíslegt
153