Uppeldi og menntun - 01.09.2004, Side 158

MAT Á NOTKUN UPPLÝSINGA- OG SAMSKIPTATÆKNI ...
Viðhorf til notkunar upplýsinga- og samskiptatækni í námi og kennslu
Á heildina litið voru viðhorf nemenda til notkunar upplýsinga- og samskiptatækni í
námi jákvæð. Nemendum fannst mikill kostur að efni frá kennara væri aðgengilegt á
Netinu og þeim fannst mikilvægt að hitta hann líka augliti til auglitis. Meira en helm-
ingur nemenda var hlutlaus gagnvart notkun á gagnvirkum verkefnum og vefráð-
stefnum í náminu. Einnig var meirihluti nemenda ósammála því að notkun upplýs-
inga- og samskiptatækni gerði kennsluna einhæfa. Segja má að einkennandi fyrir við-
horf nemenda hafi verið sú áhersla sem fram kom á mikilvægi ýmissa félagslegra
þátta eins og stuðnings af tölvusamskiptum, en einnig mikilvægi beinna samskipta
bæði við samnemendur og kennara. í rýnihópaviðtölum og einstaklingsviðtölum við
fjarnema kom áhersla á félagsleg samskipti fjarnema í milli líka glöggt fram. Sömu
áherslur endurspegluðust einnig í svörum nemenda í könnuninni þegar þeir voru
spurðir hverjir væru óskostir þess að nota upplýsinga- og samskiptatækni:
- Persónuleg samskipti verða ekki eins mikil.
- Hætt við að kennslan verði ópersónulegri en ella.
- Missi af „gullkornum" hjá kennara sem hann setur ekki á Netið.
- Tengslin við kennara verða frekar ópersónuleg.
- Frekar ópersónulegt ef upplýsinga- og samskiptatækni er eingöngu notuð.
- Að hitta ekki kennara og samnemendur augliti til auglitis.
- Ef ekki er samband við aðra nemendur er hætta á því að nemandinn einangrist
og gefist upp.
- Nauðsynlegt að hitta samnemendur annað slagið. Væri ekki í þessu ef ég sæti
ein einhvers staðar við tölvu! Við erum saman nokkrir fjarnemar.
- Samskipti við kennara og nemendur verða annars eðlis og oft lakari.
í svörum nemenda um kosti þess að nota upplýsinga- og samskiptatækni nefndu þeir
helst aðgengi að upplýsingum og sveigjanleika ásamt auknum tækifærum til náms,
en einnig bentu þeir á tímasparnaðinn sem fælist í því að nýta hana.
Kennarar voru líka beðnir að meta kosti og ókosti þess að nota upplýsingatækni í
kennslu. Mest áberandi í svörum þeirra um kosti voru atriði eins og meira skipulag
og meiri sveigjanleiki en einnig nefndu þeir að aðgengi yrði auðveldara að kennslu-
efni, ásamt því hversu mikið tæknin auðveldaði samskiptamöguleika. Einnig var
bent á að kennslan yrði nemendamiðaðri og nemendur ábyrgari. Líkt og nemendur
nefndu kennarar ýmsa félagslega þætti þegar ókostir voru tíundaðir. Þar bar hæst at-
riði eins og þau að samskipti yrðu ópersónulegri og samskipti augliti til auglitis
skorti. Sumir kennarar notuðu orðin „mötun" og „niðursuða" þegar kom að því að
lýsa þeim ókostum sem fylgt gætu notkun tækninnar:
- Minnkar samskipti sem eru augliti til auglitis.
- Einhæf notkun gæti minnkað hefðbundin samskipti nemenda og kennara.
- Getur orðið of ópersónulegt.
156