Iðunn : nýr flokkur - 01.06.1933, Blaðsíða 83

IÐUNN
Kirkjan og árásarlið hennar.
257
ætti að vera upp úr þeim vaxinn. Af svipuðum toga er
enn fremur spunnið skraf Kristins Andréssonar, í sama
riti um „svikavef kirkjunnar" og loks þýðing Halldórs
Kiljans Laxness á úreltri vísindagrein um „elzta guð-
spjallið“,*) sem auðsjáanlega er ætlað það hlutverk, að
reka fingurna í gegnum allan „svikavefinn“ og sanna,
að Jesús hafi aldrei verið til, og með því læða þeirri
hugmynd inn hjá fólki, að kirkjan byggi allar kenningar
sínar á lygum og svikum. Raunar myndi það ekki hagga
gildi trúarbragða í heild sinni, þó að slíkt sannaðist,
eins og höf. ritgerðarinnar virðist sjálfur skilja, en þó
myndi það grafa undan trausti manna á kirkjunni og
þeirri litlu virðingu, sem hún enn þá nýtur og þessum
rithöfundum þykir samt vera of mikil.
Ég get ekki stilt mig uin að minnast enn á einn ó-
frægjanda kirkjunnar, Gunnar Benediktsson, fyrrum
prest í Saurbæ. Eftir ellefu ára preststarf lýsir hann
því yfir í fyrirlestri: Njálsgata 1 og Kirkjustræti 16, að
preslar þjóðkirkjunnar séu yfirleitt samvizkulausir
loddarar (hann liklegast ekki undanskilinn, þau ár, sem
hann starfaði þar!), sem starfi utangarna við lífið sjálft
og vinni beinlínis að því vísvitandi að draga hugi
manna frá þeim viðfangsefnum lífsins, sem mestu varða
(þ. e. þörfum munns og maga), flækja þau og hindra
viturlega úrlausn þeirra.
*) Höf. ritgerðar pcssarar mun cf til vill við tækifæri, ef aðrir verða
«kki fyrri til, sýna fram á, hvcrnig pessi fluga, sem er engan veginn ný
°g einna rökfimlegast sctt fram af W. B. Smith í tveim mcrkum ritum:
Der vorchristlichc Jesus og Eccc Dcus 1911, var siöan hrakin af ágætum
fræðimönnum: F. C. Conybearc í The historical Christ 1914; Albert
Schweitzcr: Quest of thc historical Jcsus; S. J. Chase: The historicity of
Jesus og nú siðas: í gagnmerkilegu riti: The Messiah Jcsus and John
thc Baptist, cftir Robert Eisler, útg. 1931, par scm gátan um „pögn Jó-
sephusar" virðist loks vcra ráðin að fullu og fundin drög að hinum upp-
runalega tcxta, sem hafði að gcyma að ýmsu lcyti fyllri frásögn um
Jóhanncs skirara og dauða Jesú en sjálf guðspjöllín.
Iðunn XVII ifí