Árbók Háskóla Íslands - 01.01.1982, Blaðsíða 37

Læknadeild og fræðasvið hennar
35
stemma stigu við útbreiðslu þeirra eftir
föngum.
Ferð þessi var kostuð af landlækni og
ríkisspítölunum.
3.4.3. Chlamydia trachomatis.
Á árinu 1980 var hafin könnun á tíðni
chlamydia trachomatis sem orsakar þvag-
rásarbólgu hjá karlmönnum hér á landi. Þá
var enn ekki hægt að rækta þessa bakteríu
hér og var þessi rannsókn gerð í samvinnu
við dr. Birger Möller, sýkladeild háskólans í
Árósum. Sýni voru tekin á kynsjúkdóma-
deild Heilsuvemdarstöðvar Reykjavíkur og
stjómaði Hannes Þórarinsson yfirlæknir
þeim þætti. Niðurstöður þessarar rann-
sóknar munu vera í þann veginn að birtast.
Chlamydiuræktanir hófust í sýkladeild
Rannsóknastofu háskólans haustið 1981 og
er í ráði að faraldursfræðilegar rannsóknir á
sýkingum af völdum þessarar bakteríu verði
gerðar þar framvegis.
3.4.4. Campylobacter jejuni.
Gerð hefur verið leit að þessari bakteríu í
öllum innsendum saursýnum 1980—81 og
hefur þar með fengist könnun á tíðni hennar
* sýnum frá fólki með einkenni um þarma-
sýkingu. Niðurstöður eru óbirtar. Ennfrem-
ur hefur sérfræðingur frá sýkladeild (Ó.St.)
staðið að athugun á neysluvatni utan
Reykjavíkur til leitar að þessari bakteríu í
samráði við Heilbrigðiseftirlit ríkisins.
Campylobacter jejuni er þekkt að því að
geta lifað í umhverfi og tímgast í ýmsum
dýrategundum en ferill hennar í náttúrunni
er annars ekki að fullu ljós enn. Eru farald-
ursfræðilegar rannsóknir á henni því mjög
mikilvægar.
3-4.5. Yersinia enterocolica.
Haldið hefur verið áfram mælingum
mótefna gegn yersinia enterocolica (O-anti-
gen, serotypa 3 og 9) í sermi sjúklinga með
bráð liðaeinkenni og nýafstaðnar þarma-
sýkingar. Sams konar mælingar eru gerðar
hjá hópi heilbrigðra. Markmið þessara
mnnsókna er að kanna magn mótefna gegn
nefndum mótefnavökum (antigenum) hjá
sjúklingum með ofangreind einkenni og hjá
heilbrigðum, ennfremur til að athuga hvort
tíðni á hækkun þessara mótefna breytist hjá
nefndum fólkshópum. Niðurstöður eru
óbirtar.
3.4.6. Salmonella — shigella.
Haldið er áfram að greina alla salmon-
ellu- og shigellustofna, sem ræktast úr inn-
sendum sýnum, með líffræðilegum aðferð-
um (Biotypur, API-kerfi) og sermisgrein-
ingum (serotypur). Endanleg greining þess-
ara bakteríustofna er gerð á salmonella-
rannsóknastofu Guðna Alfreðssonar dós-
ents, en sú rannsóknastofa er rekin af há-
skólanum (verkfræði- og raunvísindadeild).
Markmið þessara rannsókna er að kanna
algengi og nýgengi salmonellu- og shigellu-
stofna, sem valda þarmasýkingum í fólki
hér á landi. Niðurstöður um grein-
ingar á sjúkdómsvaldandi þarmabakteríum
greindum á sýkladeild R.H. á árunum
1959—1975, birtust í ársskýrslu Rann-
sóknastofu háskólans 1975, en samsvarandi
niðurstöður eftir 1975 eru óbirtar.
3.5. Gigtarrannsóknir.
3.5.1.
Rannsóknir á algengi og nýgengi rheum-
atoid factor (R.F.) í vissum aldurshópum
fólks hér á landi hafa farið fram á sýkladeild
í samvinnu við Rannsóknastöð Hjarta-
vemdar.
3.5.2.
Verið er að rannsaka u.þ.b. 200 meðlimi
ættar með verulega aukna tíðni á gigtar-
sjúkdómum. Þáttur sýkladeildar í þeirri
rannsókn er mæling á gigtar- og kjama-
mótefnum (RF og ANF) í sermi þessa fólks.
Rannsókn þessi er unnin í samvinnu við Jón
Þorsteinsson, sérfræðing i gigtsjúkdómum.
lyflækningadeild Landspítalans, Alfreð
Ámason erfðafræðing, Bióðbankann, Ingv-
ar Teitsson lækni (hluti doktorsverkefnis
hans) og ónæmisfræðideild St. Mary’s
sjúkrahússins í London.