Búnaðarrit - 01.01.1917, Side 158

152
BÚNAÐ ARE.IT
x
Eldavélar eru þar á mörgum bæjum, og slcilvinda
nálega á hverjum bæ sunnan Steingrímsfjarðar og inn í
Hrútafjarðarbotn, en í Kaldrananeshreppi á 24 bæjum
og í Árneshreppi á 18—20 bæjum.
Um 20 bændur í Strandasýslu hafa fengið einu sinni
eða tvisvar verðlaun úr Ræktunarsjóði, frá því fyrsta
að byrjað var að veita þau.
Tilraun með votheysverkun var gerð þar í sumar á
5 eða 6 bæjum, eftir því sem mór er kunnugt.
Lestrarfélög og góð bókasöfn eru í sumum hreppum
sýslunnar. Þar á meðal í Bæjarhreppi, Fellshreppi og
Kirkjubólshreppi.
Það er sjálfsagt margt, sem Strandamenn gætu gert
til umbóta búskap sínum og búnaði. En það sem eg tel
að mestu varði í því efni, og eg í þessu sambandi vil
benda á, er þetta:
1. Aö túnin séu aukin og bætt enn meir en gert hefir
verið. Og að það sé kleift sýna dæmi ýmsra manna
í héraðinu, og þar á meðal þeirra, er nefndir eru
hér að framan.
2. Að hirða vel allan áburð og auka hann svo sem
hægt er. Mætti víða nota meira þang og þara til
áburðar en gert er.
3. Að bæta búpeninginn og kappkosta frekar en áður
hefir verið gert að koma upp góðum kúm og ala
kálfa að eins undan beztu kúnum.
Læt eg svo staðar numið, og óska Strandamönnum
góðs gengis.
Sigurður Sigurðsson.