Frjáls verslun - 01.10.2006, Blaðsíða 75

F R J Á L S V E R S L U N • 1 0 . T B L . 2 0 0 6 75
kvæmdastjóra Íslensku auglýsingastofunnar,
í fyrirlestri á hádegisverðarfundi ÍMARK
á dögunum, þar sem fjallað var um stjórn-
málamenn sem vöru og stjórnmálaflokka
sem vörumerki. Fundurinn var í senn líf-
legur og fróðlegur „Það er glettilega líkt að
markaðssetja stjórnmálamenn og almenna
neysluvöru,“ sagði Ólafur Ingi.
„Pólitísk hernaðaráætlun“
Róbert Marshall var fundarstjóri, en sem
kunnugt lét hann á haustdögum af störfum
sem rekstrarstjóri NFS og reyndi í kjölfarið
fyrir sér í prófkjöri Samfylkingar í Suðurkjör-
dæmi. „Ég ákvað að taka þátt aðeins fimm
vikum fyrir prófkjör og á einni kvöldstund
rissaði ég upp ákveðna pólitíska hernaðar-
áætlun sem ég studdist við. Upplegg mitt var
að fara um allt kjördæmið, vera sýnilegur og
kynnast fólki. Persónuleg samskipti skipta
miklu og mér telst svo til að á þessum fimm
vikum hafi ég haft tal af um 2.000 manns,“
segir Róbert sem kveðst vissulega hafa notið
þess í baráttunni að vera þekkt andlit úr fjöl-
miðlum. Að sínu mati hafi verið nauðsynlegt
að setja upp vefsetur og uppfæra efni þess
reglulega, slíkt hafi skipt meira máli en opna
kosningaskrifstofu enda sé segin saga að
þangað sæki helst þeir sem séu sannfærðir
um málstaðinn hvort eð er.
„Ég auglýsti lítið, enda taldi ég slíkt hafa
mjög takmarkaða þýðingu. Mínar auglýs-
ingar voru fjórar heilsíður í héraðsfrétta-
blöðum og alls ekki það sem réð úrslitum
um árangur,“ sagði Róbert. Hann náði þriðja
sæti í prófkjörinu sem ætti samkvæmt öllu
eðlilegu að vera öruggt þingsæti.
Varhugavert að auglýsa lítið
„Það bendir ýmislegt til þess að það geti
verið varhugavert að auglýsa lítið, rétt eins
og menn geta líka skotið yfir markið,“ sagði
Ólafur Ingi Ólafsson. „Sé lítið auglýst geta
kjósendur skilið það sem svo, að viðkomandi
frambjóðandi sé búinn að missa áhugann á
stjórnmálum og undirliggjandi skilaboð að
hann taki þátt í baráttunni af hálfum hug.
Þannig auglýstu Pétur Blöndal og Guðrún
Ögmundsdóttir lítið fyrir prófkjörin sem
þau tóku þátt í, sem kann að skýra að þau
náðu ekki markmiðum sínum,“ sagði Ólafur
Ingi. Hann nefndi líka fólk sem hefði komið
nýtt inn á svið stjórnmálanna og náð prýði-
legum árangri í prófkjörum haustsins, enda
hefði það hvert á sínu sviði verið áberandi
með störfum sínum. Guðfinnu S. Bjarna-
dóttur þekktu allir sem rektor Háskólans í
Reykjavík. Illugi Gunnarsson hefði gert sig
gildandi sem greinahöfundur og álitsgjafi í
ljósvakamiðlum og Jón Gunnarsson, sem
náði 4. í prófkjöri Sjálfstæðisflokksins á
Kraganum, hefði verið áberandi sem fram-
kvæmdastjóri Slysavarnafélagsins Lands-
bjargar, til dæmis í miklu gerningaveðri sem
gekk yfir landið vikuna fyrir prófkjörið sem
hann tók þátt í. Velgengni þessa fólks væri
því engin tilviljun, ekki frekar en bloggarans
Össurar Skarphéðinssonar og myndhöggv-
arans Árna Johnsen. Síðan væru líka til dæmi
um menn sem beinlínis nýttu sér ekki þau
tækifæri sem þingseta gæfi þeim og mætti
þar til dæmis nefna Guðjón Hjörleifsson og
Valdimar Leó Friðriksson sem báðir féllu í
prófkjörum flokka sinna.
Staðsetja sig rétt
En hvað þarf frambjóðandi að leggja upp
með, þegar hann hefur baráttu sína? „Mikil-
vægt er að frambjóðandi hafi ákveðin lykil-
loforð og skýr rök fyrir því hvers vegna kjós-
andinn eigi að velja sig, fremur en einhvern
annan. Hann þarf að láta koma skýrt fram
fyrir hvað hann stendur og staðsetja sig rétt
gagnvart keppinautunum. Málflutningur
þarf að byggjast á þekkingu og í honum þarf
að vera samfella og mikilvægt er að byggja
upp trúverðuga ímynd. Kjósendur kaupa
ekki ef frambjóðandi úr 101 Reykjavík talar
ER HÆGT AÐ SELJA
STJÓRNMÁLAMENN
EINS OG SMJÖRLÍKI?
Róbert Marshall. „Ég ákvað aðeins fimm vikum fyrir prófkjör að taka þátt í því og á einni
kvöldstund rissaði ég upp ákveðna pólitíska hernaðaráætlun sem ég studdist við.“
„Ef við lítum svo á
stjórnmálamanninn,
þá er ýmislegt sem
stendur í vegi fyrir að
hann geti hagað sér
eins og fyrirtæki sem
markaðssetur vörur.“
S T J Ó R N M Á L S E M S Ö L U V A R A