Tímarit Máls og menningar - 01.09.1985, Side 9

Óvantir bandamenn
bækur á hverju ári, og að því er ég best veit eina leiðin til að krækja framhjá
gildrunni sem ég nefndi áðan. Þessvegna vissu margir þeirra sem við ritstörf
fást ekki hvaðan á sig stóð veðrið þegar vösk sveit Alþingismanna fann þá einu
leið til að berjast í þágu íslenskra höfunda að reyna að fá Norðurlandaráð til
að leggja af þann skikk að kosta þýðingar á bókum héðan. Og á sama tíma
ræðst Helga Kress, einsog liðsmaður þessa þingmannabandalags, að norskum
manni sem því miður höfðu reynst mislagðar hendur við að þýða íslenska
skáldsögu. Hefði ekki verið nær að reyna að ráða bót á svona mistökum á
hljóðlátari og diplómatískari hátt?
Það er dálítið kaldhæðnislegt til þess að vita, að þeir sem hyggjast kynna
umheiminum bækur okkar Islendinga munu líkasttil geta vænst þeirra einu við-
bragða héðan að Alþingismenn sem heilsa að sjómannasið og tannhvassir Há-
skóladósentar í úfnum ham muni kasta sér yfir þá einsog grimmir hundar. Eg
vona þó að þessir útlendu menn viti að flestir höfundanna munu áfram bera til
þeirra fremur hlýjan hug.
271