Tímarit Máls og menningar - 01.03.1997, Qupperneq 113

LÍKRÆÐA YFIR HVERJUM SEM VILL
gestaboð og með sinni drambsemi vanheiðraði Guð. Var hann þá
sömu nótt í burt tekinn (Danielis bókar 5. kapítuli).
Svo gekk það og þeim óguðlega Haaman, af hverjum vér lesum í
bókinni Hester, 7. kapítula, sem sjálfur var hengdur í gálga er hann lét
byggja sínum óvin, sem hét Mardocheus.
Svo gekk það og þeim ríka sem Lúkas skrifar um í 12. kapítula, hver
eð sagði: Eg vil eta og drekka og gjöra mig glaðan. En Guð sagði til
hans: Ó þú inn heimski mann, á þessari nótt skal þín sál frá þér takast.
Svo líka segir og Christus í þeirri dæmisögu í Matthæi 24. kapítula
um þann vonda þénara hver í síns herra fráveru tók að slá sína
samlagsþjóna. En Christus sagði að hans herra mun koma á þeim degi
sem hann vonar eigi, og í sundur partar hann og setur hans hlutskipti
með hræsnurum þar er vera mun óp og tannagnístran.
Og hinn heilagi Páll segir í Tessalonicæ bréfs 5. kapítula: Þér vitið
að sá hinn mikli dagur Drottins mun koma sem þjófur um nótt...
Þar fyrir af því nú vort líf er óvíst og er sem hangandi í veikum þræði
áminnir oss Christus í Matthæi 25. kapítula: Vakið, því að þér vitið
ekki dag eður stund á hverri að mannsins son mun koma.
Og Lúkas skrifar í 21. kapítula: En varið yður að yðvart hjarta
þyngist eigi af ofáti og ofdrykkju og með sorgum þessarar næringar,
að eigi komi þessi dagur hastarlega yfir yður ...
Psalmus 89: Það gjörir þín reiði að vér svo forgöngum, og þín
grimmd að vér förum svo hastarlega burt.
Og Jakob, 4. kapítuli: Sjáið nú til, þér sem segið: í dag ellegar á
morgun munum vér ganga í þessa eða þá borg, og viljum þar árið um
dveljast og kaupsskap fremja og áminning gjöra — þér sem þó eigi
vitið hvað á morgun ske mun ...
En ef nokkur kann hér að segja: Eg em ríkur, mektugur og ungur,
mér er enn nógur tími að hugsa um dauðann — þar til svarar hinn
heilagi Augustinus og segir: Ef þú hrósar þér af þínu ríkidæmi, af
þínum heiðri, af þínu ætterni og vænleika, skoða sjálfan þig, því þú
ert dauðlegur og skalt fara í jörðina ... Tak þér til eftirdæmis þá sem
fyrir þér hafa verið jafnríkir, jafnmektugir og ungir ...
Hvar er nú keisari? Hvar er nú kóngur? Hvar er nú höfðingi mekt-
ugur? Hvar er prýðileg klæði? Hvar er skraut og skart? Hvar er ofneysla
metnaðar? Hvar er sveinafjöldi? Hvar er leikur? Hvar er gleði? Hvar
er og sjálfræði?
TMM 1997:1
103