Tímarit Máls og menningar - 01.03.1997, Page 120

P.S. FRÁ RITSTJÓRA
næst var beðið eftir því að þáttakendur í könnuninni eltust í ellefu ár eða svo og
kannað hversu margir hefðu farið yfir móðuna miklu í millitíðinni. Niðurstaðan
birtist síðan í hinu virta British Medical Journal (No. 7072): áhugi á menningu og
listum eykur lífslíkur fólks umtalsvert samkvæmt þessu, því dánartíðni menn-
ingarunnenda var um það bil helmingi minni en þeirra sem engan áhuga hafa á
menningu og listum.
Það borgar sig því að vera áskrifandi að menningartímariti eins og TMM!
Enn af verðlaunum. Um miðjan janúar var tilkynnt að Svava Jakobsdóttir rithöf-
undur hlyti Henrik Steffens verðlaunin 1997, virt verðlaun í Þýskalandi, en þau veitir
Alfred Toepfer Stiftung F.V.S. í Hamborg einstaklingum frá Norðurlöndum íyrir
affek í listum og hugvísindum sem hafa gildi fyrir evrópska menningu. Hún veitir
verðlaununum viðtöku ytra þann 23. maí nk.
Svava er sjötti íslendingurinn sem hlotnast þessi heiður, en áður hafa Gunnar
Gunnarsson rithöfundur, Hannes Pétursson skáld, Magnús Már Lárusson prófessor,
Hallgrímur Helgason tónskáld og Sigurður Guðmundsson myndlistarmaður hlotið
þessi verðlaun.
Og um það bil sem þetta hefti er að fara í prentun er tilkynnt að Böðvar
Guðmundsson rithöfundur og Þorsteinn Gylfason heimspekingur hafi hlotið ís-
lensku bókmenntaverðlaunin í ár. Böðvar fyrir skáldsöguna Lífsins tré og Þorsteinn
fyrir greinasafnið Að hugsa á tslenzku.
Til hamingju!
F.R.
110
TMM 1997:1