Múlaþing: byggðasögurit Austurlands - 01.01.1982, Qupperneq 127

MULAÞING
123
Börn fædd 1967 : 14
— — 1968 : 8
— — 1969 : 6
— — 1970 : 14
— — 1971 : 8
— — 1972 : 6
— — 1973 : 11
— — 1974 : 4
Samkvæmt ofanrituðu er ljóst að grundvöllur er fyrir stofnun 9. bekkjar
skólaárið 1982-1983, en strax næstu 2 ár þyrfti undanþágur miðað við
að ekki yrði fjölgun á nemendum fæddum 1968 og 1969. (S. J.).
Ekki verður lagður neinn dómur á það hér hvaða lausn er heppilegust
í þessu máli, en ljóst er, að umræður um þau eru fyllilega tímabærar.
Fræðsluráð Austurlandsumdæmis hefur við umfjöllun sína um þessi
mál sýnt að það hafi tekið tillit til óska heimamanna. í tillögum ráðsins
frá 1978 kemur þetta fram: „Stöðvarhreppur. Nemendafjöldi er nú 77
og virðist fara vaxandi. Fyrirhugaðar eru framkvæmdir við skólann
vegna fyrirsjáanlegrar fjölgunar nemenda. Eins og er er nemendafæðin
mest á unglingastiginu, en þann vanda hefur skólinn leyst með sam-
kennslu í 7. og 8. bekk og gefist vel. Rétt þykir að stefna 9. bekk í
Eiðaskóla a. m. k. fyrst um sinn. Með hliðsjón af framansögðu er lagt
til, að allt skyldunámið fari fram í heimabyggð.“
XV.
Lokaorð
Þegar ég tók þá ákvörðun að í lokaritgerð vegna réttindanáms míns í
Kennaraháskóla íslands 1979-1981 tæki ég fyrir skólasögu Stöðvar-
fjarðar, gerði ég mér í upphafi ljóst að við ramman reip væri að draga,
sérstaklega varðandi ýmsar heimildir, sem ég óttaðist að væru af skorn-
um skammti. Ýmislegt kom þó á daginn, sem ég vissi ekki um að væri
til hér í byggðarlaginu og létti mér störfin á ýmsa lund. Ég tel það og
hafa verið mér til hagsbóta að hafa sjálfur stigið mín fyrstu dansspor við
menntagyðjuna í skólanum hér og einnig að hafa starfað við stofnunina í
rúm 13 ár. Slíkt kann þó að valda því að ég líti sum þeirra mála, er ég
fjalla um á síðum þessum, ekki hlutlausum augum. Við því er þó ekkert
að gera.