Múlaþing: byggðasögurit Austurlands - 01.01.1982, Page 163
SIGURÐUR KRISTINSSON
Þorrablótsferð fyrir 60 árum
Frásögn Magnúsar Tómassonar frá Friðheimi í Mjóafirði eystra
Lagt var af stað að morgni hins 18. janúar 1922 frá svonefndum Fjarðar-
býlum í botni Mjóafjarðar eystri og ferðinni heitið að Meðalnesi í Fellum
á Fljótsdalshéraði. Leiðin liggur inn Fjarðardal, upp á Mjóafjarðarheiði,
þaðan niður í Slenjudal og eftir honum til Eyvindarárdals, gegnum
Egilsstaðaskóg til Egilsstaða. Þetta er góð gönguleið bæði á sumri og
vetri, brekkur eru helst Mjóafjarðarmegin í heiðinni en hvergi eru þær
torfærar göngumönnum, þótt tafsamt reyndist að leggja þar bílveg og
var það raunar ekki gert fyrr en Fjarðarbýlin voru komin í eyði. Helsta
brekkan nefnist Klifbrekka og er hamrasveigur sem þvergirðir Fjarðar-
dal. Annars hækkar dalurinn í smærri hjöllum og eru þar á nokkrum
stöðum dálitlar klettabríkur, er mynda gil þar sem Fjarðará hefur skor-
ið sig í gegnum þær. Hæsta svæði heiðarinnar nefnist Kolsandar og er í
tæplega 580 metra hæð yfir sjó en öll vegalengdin milli Fjarðar og
Egilsstaða er nærri 40 kílómetrar.
Við vorum þrír í ferðinni, jafnaldri minn og frændi Olafur J. Olason
frá Haga í Mjóafirði og vorum við á tvítugsaldri og Sigurjón Erlendsson,
Norðfirðingur að ætt og uppruna, þá um fertugsaldur og hafði verið
langdvölum á Héraði. Var hann í heimsókn hjá systrum sínum á Norð-
firði og frétti gegnum símann að ferð okkar stæði til, vildi verða okkur
samferða og kom með báti til Mjóafjarðar daginn áður. Landleiðin milli
fjarðanna var ófær vegna harðfennis í bratta. En víkjum nú nánar að
tildrögum ferðarinnar.
Haustið áður kom jafnaldri og frændi okkar Olafs í stutta heimsókn á
býlin í Mjóafjarðarbotni. Hann heitir Kristján Gunnarsson og var þá
vinnumaður í Meðalnesi í Fellum á Héraði. Sagði hann okkur frá ýmsu
þar efra, sér í lagi frá þorrablótunum og gleðskapnum er fylgdi þeim og
fylgir jafnvel enn að sögn. Fýsti mig að sjá og reyna þessi samkvæmi og
var ferðin afráðin strax um næstu þorrakomu. Átti að slá þrjár flugur í