Múlaþing: byggðasögurit Austurlands - 01.01.1982, Síða 213

MULAÞING
209
UM ÆVIMINNINGAR
SIGFÚSAR KRISTINSSONAR,
„DÖMUR, DRAUGA
OG DÁNDIMENN“
— LEIÐRÉTTINGAR
Bók sú er eg skráði eftir Sigfúsi Kristins-
syni og kom út fyrir jólin 1982 hefur orð-
ið mér ærið umhugsunarefni eftir útkomu
hennar, bæði í jákvæðu og neikvæðu sam-
bandi. Þeir sem fjarri standa vettvangi og
þekkja ekki einstakar persónur og atburði
nánar hafa yfirleitt hælt kverinu, til dæmis
gagnrýnendur blaða, en aðrir sem nær
standa, óánægðir með efnistök margir
hverjir og það sem verst er, ónákvæmni
hefur gætt og villur slæðst í textann. Verð-
ur nú leitast við að leiðrétta hér.
Um viðhorf mitt til skrásetningarinnar
og tildrög þess að eg tók verkið að mér vísa
eg til fyrsta kafla bókarinnar, „Bók verður
til“. Það sem þar er sagt er allt heilagur
sannleikur. Auðvitað er hér ekki um að
ræða sagnfræðirit, það eru viðhorf Fúsa og
minni hans, rétt eða rangt, sem ræður ferð-
inni. Þetta afsakar þó ekki röng manna-
nöfn eða ártöl né að vísur séu brenglaðar
eða rangfeðraðar. Sumt af alþýðuskáld-
skap bókarinnar er þó til í ýmsum gerðum
og vandséð hvað réttast er. Eg harma það
hve mikið er um villur og vonast til að þeir
sem ef til vill mundu styðjast við bókina
sem fræðirit, muni jafnframt hafa undir
höndum Múlaþing og að á þessum vett-
vangi muni best tryggt að heimildir brengl-
ist ekki til frambúðar.
Helgi Gíslason frá Skógargerði gerði mér
þann greiða að senda mér yfirlit um þau
atriði, sem hann hafði hnotið um. Hér fer á
eftir bréf Helga:
Hallgrímur og Lauga koma að vestan árið
1906, ekki 1907, með börn sín tvö (ekki
eitt), Albert og Jakob Líndal. Fjölskyld-
unni var ráðstafað þann 20. okt. þannig:
Hallgrími í Hafrafell til næstu fardaga,
Laugu í Birnufell án meðlags til næstu far-
daga, Albert í Hreiðarsstaði og Jakobi í
Egilssel einnig til næstu fardaga. Drengirn-
ir voru skírðir þetta haust. Jakob fór síðan
frá Egilsseli í Kross í fardögum 1907 og dó
þar 18. des. það ár. Hallgrímur fór í Orm-
arsstaði 1907 og var matvinnungur. Laugu
og Albert var ráðstafað í Hreiðarsstaði og
síðar, eða árið 1909, að Refsmýri. Þar eru
þau einhver ár, a. m. k. til 1912. Þeirra er
ekki getið sem þurfamanna árið 1913,
munu þá komin í Ormarsstaði. Hallgrímur
dó veturinn 1909-10. Þórarinn bóndi á
Ormarsstöðum var Sölvason, ekki Árna-
son (bls. 13). Sonur Þórarins er dó ungur,
hét Bergsteinn, ekki Eggert (bls. 69).
Kristinn faðir Fúsa dó í Hrafnsgerði 13. júlí
1918 (bls. 15).
Guðmundur í Seli dó árið 1926. Fjöl-
skyldan flutti í Heiðarsel 1927, Fúsi þá 12
ára (ekki 11). Halldór Magnússon dó í
Ekkjufellsseli 30. jan. 1924 (bls. 20). Hann
var enginn niðursetningur þótt hann byggi
hvergi lengi, en vann fyrir sér og sínum í
vinnumennsku og kaupavinnu. Kobbi
skalli dó árið 1937, ekki 1939 (bls. 27).
Móðir Björns Pálssonar hét Sólrún ekki
Sólveig (bls. 28). Steinarnir norðaustan við
Sel heita Klofasteinar, Grásteinn er fram
og niður af bænum (bls. 30-31). Sagan sem
kennd er Þórhalli á Breiðavaði (bls. 36) á
við um Jón Bergsson sem þá var vinnupilt-
ur á Breiðavaði hjá Sigbirni síðar bónda á
Ekkjufelli.
Bústýra Sigurðar Þorsteinssonar á
Kleppjárnsstöðum hét Sigurbjörg Guðjóns-
dóttir, ekki Sigríður (bls. 37). Ungmenna-
félagið Huginn var stofnað 1932, áður hafði
starfað Ungmennafélag Fellahrepps,
1915—1925 (bls. 59). Kláfur sá er Lúðvík
Þorgrímsson fórst úr, var hjá Merki, ekki
Grund (bls. 67). Þak fauk af Skeggjastöð-
um, ekki nýbýlinu Smáragrund. Elís Guð-
jónsson frá Heiðarseli í Jökuldalsheiði
„hvarf í Jöklu“, ekki Erlingur Þórðarson
frá Gauksstöðum.
Múlaþing 14