Múlaþing: byggðasögurit Austurlands - 01.01.1997, Side 22

Múlaþing
var með honum í þessari efnisleit og tók
hann frá það efni sem honum leist best á,
sem var þó nokkuð. Ekki kann ég að segja
frá hvemig hann greiddi fyrir efnið en allt
var það með vitund hreppstjórans.
Lengi vel var til á Þórarinsstöðum efni
úr Sterling. Var það til ýmissa nota bæði í
útihús og til viðgerða. Heima vom til
fjögur lítil náttborð sem smíðuð vom úr
viðnum úr Sterling. Efni í þessum borðum
var mest teak (valeik). Mahognibútar voru
líka notaðir, þótt smáir væru, eftir að
myndskurðarmaðurinn hafði fengið sitt af
þeim. Vom búin til leikföng úr bútunum
svo sem fuglar, húsdýr og menn. Allt var
þetta kærkomið stáss fyrir blessuð börnin
og reyndar íleiri þegar vel tókst til með
smíðina.
Fyrsta uppboðið
Fyrsta uppboð á sjóreknum vömm úr
Sterling var haldið af hreppstjóra
Seyðisfjarðarhrepps 18. maí 1922. Þess
skal getið að það sem hreppstjórinn seldi
var nær einungis mjölvara, mest hveiti sem
alls ekki mátti draga að selja. Gerðu menn
góð kaup á uppboði þessu, t.d. fór
hveitipokinn á þrjár til fímm krónur, 50 kg,
en úr honum fékkst 35-40 kg af óskemmdu
hveiti. Það hafði myndast fremur þunn
skán næst pokanum en þegar inn úr kom var
mjölvaran óskemmd. Svo var einnig um
rúgmjölið en það rak miklu minna af því.
Önnur vara man ég eftir að seld var af fóstra
mínum en það var handsápa. Af henni rak
allmikið og var hún í trékössum. Þessi sápa
var lengi til heima því allmikið var af henni
keypt. Hún reyndist fremur ódrjúg því svo
lengi hafði hún legið í sjó að hún var byrjuð
að renna nokkuð eða linast yfirborð hennar.
Kaupendur voru 6 á uppboðinu sem
haldið var aðeins sunnanfjarðar í landi
hreppstjóra, Þórarinsstöðum, en þar var
mjölvaran og sápan borin saman á smá-
númer.
Ekki var nú upphæðin há sem vörur
seldust fyrir þennan dag. Söluverðið var
alls 68 krónur og 26 aurar.
Eg var viðstaddur uppboð þetta og
þekkti alla viðstadda. Á seinni uppboð-
unum sem haldin voru í kaupstaðnum, af
bæjarfógeta, varð spenningurinn meiri en
margir gerðu þar einnig góð kaup.
Sagt frá björgunarsamningum og
störfum
Á lausum miða sem fylgir strand-
gögnum bæjarfógeta er dagsetning sem
rituð er með ritblýi, eins og allur miðinn.
Er helst að sjá að talan 13 eða 17 hafi verið
rituð ofan í töluna 15. En hvað um það þá
er áritunin þessi: „13. maí” [eða 17.]. Síðan
bókað var síðast [ekki sést hvenær sú bókun
var gerð] hefur ekki verið hægt að bjarga
neinu frá Sterling vegna brims. 11. þ.m. þá
var gerður af Thostrup, í viðurvist
lögreglustjóra, björgunarsamningur við Jóh.
Hanson [svo] hér á Seyðisfírði og eru þeir
þingl. nr. 7 og nr. 8 svohlj...,,
Samkvæmt þessum björgunarsamningi
hefur Jóh. Hansson þessa dagana reynt
björgun. Þótt erfitt væri hefur hann bjargað
talsverðu og því góssi, sem hann hefur
bjargað, hefur verið haldið sér til geymslu
hjá Fr. Wathne og Jóh. Hanssyni sjálfúm.
Þessi miði segir nokkuð um gang
björgunarstarfsins þó ekki sé glögg dag-
setning hans. Trúlegt er að rétta talan sé 13.
maí. Þann dag bókfærir bæjarfógeti báða
samningana nr. 7 og 8 sem gerðir voru um
björgun úr Sterling og undirritaðir 11. maí af
þeim Th. Thostmp og Jóhanni Hanssyni.
Því virðist rétt að Vilhjálmur Ámason hafi
séð um björgun á strandgóssi ffam til þess
20