Múlaþing: byggðasögurit Austurlands - 01.01.1997, Qupperneq 170

Múlaþing
tölvubúnaður, sem þyrfti til að tölvuskrá bókasafnið, yrði færður á bókasafnið var tekin út af dagskrá
eftir nokkrar umræður. Formaður stjómarinnar lýsti sig alfarið andvígan tillögunni. Þá varð mikil
umræða um að bókasafnið reyndi að sérhæfa sig í að safna vesturíslensku prenti.
Bókasafninu barst höfðingleg gjöf á árinu þegar Björg Ólafsdóttir, dóttir Ólafs Jónssonar ráðunautar
frá Freyshólum á Völlum og Jón Jakobsson dóttursonur Ólafs, sonur Hólmfriðar Ólafsdóttur, afhentu
Héraðsskjalasafninu og Menntaskólanum á Egilsstöðum bókasafn Ólafs að gjöf. I þessu safni var margt
góðra bóka og gjöfin því ómetanleg auk þess sem hún sýnir góðan hug gefenda til Austurlands.
Skólaskrifstofa Austurlands hefur haft forgöngu í því að hefja samskráningu bókasafna á Austurlandi.
Um er að ræða tölvuskráningu bókanna og er boðið upp á aðgang að grunni hjá Borgarbókasafninu í
Reykjavik með notkun á skráningarkerfi sem heitir Fengur. Stofnkostnaður er nokkur en því minni sem
fleiri aðilar gerast þátttakendur. Leitað var til Hástoðar, Nýsköpunarsjóðs námsmanna hjá Háskóla íslands,
um styrk og var veittur styrkur upp á kr. 150.000,- til verkefnisins. Svava Guðjónsdóttir, nemi í
bókasafnsfræði, vann við skráningu bóka á Héraðsskjalasafninu í 6 vikur í júlí og ágúst 1997. Við
samtengingu bókasafnanna mun aukast geta Héraðsskjalasafnsins til að veita þjónustu í gegnum tölvu
sem víðast á Austurlandi.
Samstarf við Þjóðskjalasafn.
Tveir starfsmenn Þjóðskjalasafnsins komu á s.l. hausti og voru hér í tvo daga til að veita ráðgjöf
varðandi tölvumál og flokkun og frágang skjala. Guðgeir Ingvarsson fór síðan til Reykjavíkur og var í tvo
daga á Þjóðskjalasafninu og aflaði sér þar þekkingar varðandi tölvuskráningu.
Starfsemi Safnahússins.
Gott samstarf hefur verið ámilli stofnanna Safnahússins. Héraðsskjalasafnið, í félagi við Minjasafn,
Bókasafn og Safnastofnun, keyptu saman ljósritunarvél. Þá er samstarf um rekstur hússins og hefur
Steinunn Kristjánsdóttir forstöðumaður Minjasafnsins séð um uppgjör fyrir ræstingu og hita og rafmagn.
Gert var samkomulag við Egilsstaðabæ um hirðingu á lóð hússins og verður það unnið af garðyrkjudeild
Egilsstaðabæjar gegn greiðslu.
Markmið Skjalasafnsins.
Eg tel æskilegt að mótuð verði stefna fyrir þá starfsemi sem rétt þykir og eðlilegt að fari fram á vegum
Héraðsskjalasafnsins. Það er ljóst að setja verður skorður við því sem safnað er og ekki síður þeirri
þjónustu sem safnið getur veitt. Hvað varðar varðveislu skjala þá er því markaður nokkur rammi í lögum
um Héraðsskjalasöfn, en hvað varðar söfnun og varðveislu einkasafna, sem ekki fellur undir skilgreiningu
laganna, þá vantar frekari stefnumótun. Þetta lítur síðan að varðveislu á hljóðsnældum, myndböndum og
efni á tölvudisklingum. Það er ljóst að með breyttri tækni þá munu gögn í vaxandi mæli berast í slíku
formi. Við því verður að bregðast. Eg hefi oft lýst áhuga mínum á því að afla til Héraðsskjalasafnsins
heimilda sem varðveittar eru í öðrum söfnum. Þetta er mun torveldara en ég hafði gert mér von um vegna
kostnaðar en ekki síður vegna þess að ekki virðist vera til staðar neinn vilji hjá þeim sem ferðinni ráða í
safnamálum að gera slíka heimildaöflun auðvelda. Það er til staðar öll sú tækni sem til þarf þannig að þetta
verði auðvelt. Svo nefnt sé dæmi þá hefur það reynst mér og forverum mínum ókleift að fá filmur í lesvél
af nokkrum kirkjubókum af Austurlandi sem vantar hér á Héraðsskjalasafnið.
Ljósmyndasafn Austurlands er stórmerkilegt og það er von mín að fyrir því sé skilningur að veita
fjármunum til að það komist í það horf að það verði aðgengilegt öllum almenningi. Nokkrir aðilar á
168