Sagnir - 01.06.2016, Page 42
Kallmannlegur og hraðgengur í framgöngu,
hávaxinn og flatvaxinn, herðabreiður,
mittismjór, fótgrannur, þykkhentur, en þó ekki
harðhentur, dökkvari á hárið samt brún og
brá en jarpur, hefur mikið hár, sem hrökkur
neðan, rakar sitt skeggstæði, grannleitur og
kinnbeinahár í andhti, með þunnt nef og
hátt að framan, háleitur og langhálsaður, vel
lesandi og skrifandi, heldur sér til gildis sem
meiri menn til klæða, hátalaður, hraðmæltur,
hrokafullur, bítur á vörina og sýgur nefið, þá
illu er að skipta, tekur ákaflega neftóbak og af
því nefmæltur, og hið mesta drykkjusvín.
Lýsing á Snæbirni Pálssyni við Öxará á Alþingi,
24. júlí 1724.
Dýrafjörður sem er stærstur vesturfjarða
Vestfjarða er löngum þekktur vegna baráttu
kappa úr íslenskum fornsögum. Þessi fallegi
og stórbrotni fjörður hefur margan manninn
alið og fært af sér viðurværi til lands og sjávar.
Tignarleg stórbýli á norðurströnd fjarðarins
vekja athygli þeirra sem um Mýrarhrepp
fara. Stórbýlin eiga sér langa sögu sem og
önnur sveitarinnar býli. A Núpi fæddist eitt
sinn drengur sem bjó yfir gáfum og ótrúlegu
sálarþreki, góðum líkamsburðum og miklu
skapi. Þegar hann fullorðnaðist hafði hann
sterk áhrif á samtíðarmenn sína og skapaði
þar með hluta af sögu sinnar heimabyggðar.