Sagnir - 01.06.2016, Qupperneq 70

hjóna væru níu börn.53 Ásgeir átti einnig að minnsta kosti eitt barn óskilgetið, fætt
1923, sem hann greiddi meðlag með.54
Styrkir sem Ásgeir og fjölskylda hans hlutu á árunum frá 1919 til 1923 eru ekki
sambærilegir við þá styrki sem fjölskyldur Friðriks Hanssonar og Guðmundar
Magnússonar fá. Styrkir til Ásgeirs og Þórunnar voru mun hærri. Á tímabilinu 1919
dl 1923 fengu hjónin 21.658 krónur og 90 aura eða 4.331 krónur og 78 aura á ári
að meðaltali. Fjölskylda Ásgeirs er því ekki fjarri því að fá upphæð sem samsvarar
meðalneysluútgjöldum fjölskyldu.55
I æviferilsskrá Ásgeirs má sjá að hann bjó í Suðurpól með konu sinni og
börnum til ársins 1921 en þá flutd hann í Selbúð.56 Þar virðast hafa komið brestir
í samband þeirra hjóna og bað Þórunn um flutning í aðra íbúð frá Ásgeiri í bréfi
til fátækranefndar frá árinu 1922. I bréfi sínu sagðist Þórunn óska flutnings „til
að verða laus við mann minn; því sambúðin við hann er orðinn mér óbærileg.“?
Skildu þau að borði og sæng ári síðar.58 Stuttu síðar var Ásgeir rekinn úr Selbúð
„út af framferði“ sínu og var brottvisunin að nokkru leyti rökstudd með vísun í
kæru Friðriks Hanssonar, nágranna hans, sem sagði að hjá Ásgeiri „fljóti allt út í
áfengissölu“.59 Eftir brottvikningu úr Selbúð bjó Ásgeir víða í bænum en fluttist
að lokum í Bjarnaborg árið 1925 og bjó þar til loka árs 1927. Þá flutti hann á
Grundarstíg og fékk ekki fleiri styrki frá fátækrayfirvöldum.60
Ásgeir virðist lítinn þátt hafa tekið í uppeldi barna sinna eftir skilnað þeirra
hjóna. Þórunn skrifaði nokkur bréf til fátækranefndar eftir skilnaðinn og bað um
aðstoð og sagðist hafa þurft að heyja lífsbaráttu sína og barna sinna „hjálparlaus
hvað föður þeirra snerti.“ Þórunn var líkt og Friðrik Hansson og kona hans leið
yfir að þurfa að leita til fátækranefndar en sagði bágar aðstæður neyða hana til
að leita hjálpar.61 Eftir að Þórunn giftist á ný árið 1927 tók eiginmaður hennar,
Friðrik Welding, við keflinu og sendir fátækranefnd bréf þar sem hann óskaði eftir
fjárhagslegri aðstoð með börnum Ásgeirs og Þórunnar.62
Ásgeir Ásmundsson komst í kast við lögin á þessum árum. I Hæstaréttardómi
yfir Ásgeiri, frá árinu 1928, var fjallað um brot hans gegn áfengislöggjöfinni. Hafði
Ásgeir þá þegar hlotið sjö dóma sem sneru flestir að ólöglegri verslun með áfeng1
eða því að geta ekki gert grein fyrir áfengi í sínum fórum. Hann virðist einnig hafa
53 Manntal.is—♦Ásgeir Ásmundsson.
54 Bsr. Fi/603. Bréf lögreglustjóra, dagsett 24. febrúar 1925.
55 Hagskinna, bls. 630 og Bsr. Fi/603. Ferilskrá Ásgeirs Ásmundssonar.
56 Bsr. Fi/603. Ferilskrá Ásgeirs Ásmundssonar.
57 Bsr. Fi/603. Bréf. Þórunn Þorsteinsdóttir til fátæktarstjórnarinnar í Reykjavík, 20. september 1922.
58 Bsr. Fi/603. Leyfisbréf til skilnaðar, 21. júní 1927.
59 Bsr. Fi/603. Bréf. Til Ásgeirs Ásmundssonar, 3. júlí 1923 og Bsr. Fi/603. Bréf. Til lögreglustjóra,
3. júlí 1923.
60 Bsr. Fi/603. Ferilskrá Ásgeirs Ásmundssonar.
61 Bsr. Fi/603. Bréf. Þórunn Þorsteinsdóttir til fátækranefndar, 9. febrúar 1927.
62 Bsr. Fi/603. Hjónavígsluvottorð, 7. júní 1928 og Bsr. Fi/603. Bréf. Friðrik Welding til Fátækranefndar,
3. maí 1929, 31. maí 1929,1. júH 1930.
70
J