Skagfirðingabók - 01.01.2014, Qupperneq 93

YFIR ATLANTSHAFIÐ Í SKIPALEST
93
í þessum flota. Auk margra herskipa
og flugvélamóðurskipa sá ég einnig
hvítmálað spítalaskip með flotanum. Fátt
gerðist markvert, nema hvað haldin var
heræfing þegar nokkuð var komið út á
hafið. Skipalestin hægði þá mjög ferðina
og herskip og flugvélar voru á fullri ferð
við alls konar aðgerðir. Meðal annars
voru sprengdar margar djúpsprengjur og
skotið ákaft úr loftvarnabyssum. Einnig
tóku mörg flutningaskipanna einhvern
þátt í þessu tilstandi. Um borð hjá okkur
stóðu tvær vélbyssur, sín á hvorum
brúarvængnum, sem Bretar höfðu látið
okkur í té. Eitthvað þóttu vopn þessi
gamaldags og sagt var að þau hefðu verið
í notkun í fyrri heimsstyrjöldinni, 1914–
1918. En hvað sem því leið, þá reyndum
við að skjóta úr þessum tækjum og meðal
annars var hent út tómri tunnu og hún
notuð sem skotmark. Við vorum líka með
reyksprengjur, en þær voru þeirrar náttúru
að væri þeim startað, breiddist út mikið
reykjarkóf. Átti þetta að vera til þess að
dylja skipið, ef til loftárása kæmi, en kom
aðeins að gagni í logni. Þessar heræfingar
voru mjög fjölþættar, en brátt var þeim
lokið og sett aftur á fulla ferð. Við komum
brátt til Halifax og áttum þar ánægjulega
sumardaga. Til dæmis fórum við oft
með ferju yfir til Dartmouth sem er bær
handan fjarðarins. Þar er fallegt stöðuvatn
sem heitir Mic Mac og á bökkum þess
var útivistarsvæði. Stunduðum við gjarna
sund í vatninu og nutum þessarar góðu
aðstöðu í ríkum mæli. Siglingin heim
gekk vel og samkvæmt áætlun.
Sjóliði á varðbergi um borð í einu fylgdarskipanna og hugar að kafbátum. Djúpsprengjur í festum
kringum hann. Eigandi myndar: Magnús Þór Hafsteinsson.