Skagfirðingabók - 01.01.2014, Page 183

TEJO STRANDAR VIÐ ALMENNINGSNEF
183
gekk síðan til svefns. Þá var enn vel bjart,
léttskýjað og mikið norðurljósafar og
sást enn vel til strandarinnar. Skipstjóri
bað 2. stýrimann upplýsa sig um gang
mála þegar hann færi af vaktinni um
fjögurleytið. Það gerði hann og tjáði
yfirmanni sínum að skipið hefði gengið
67 kvartmílur frá því þeir sigldu hjá
Horni. Ryder stakk þá út stöðuna á
sjókortinu og samkvæmt henni áttu þeir
að vera 16 kvartmílur frá næsta landi.
Stýrimaður kvað þá enga landsýn lengur
en vindur hefði snúist til suðvesturs og
væri byrjað að snjóa. Ryder bað þá fyrir
orð til 1. stýrimanns að vekja sig klukkan
5 og fór síðan aftur að sofa.
Klukkan 5 mínútur yfir 5 vakti 1.
stýrimaður skipstjóra og tjáði honum
að á tímabilinu 4–5 um nóttina hefði
skipið gengið 9 kvartmílur. Samkvæmt
því áttu þeir að vera enn 8 kvartmílur frá
landi. Stýrimaður fór síðan upp í brú en
skipstjóri klæddist og kom á eftir honum.
Þá var klukkan um það bil 5:13. Þeir sáu
þá snæviþakið land þvert á stjórnborða og
virtist sem þeir grilltu í dimman nesodda
2–3 strik á stjórnborða. Þetta töldu þeir
vel geta verið nesið milli Straumness í
Sléttuhlíð og Haganesvíkur [Músarnes].
Með tilliti til þess taldi Ryder skipstjóri
rétt að stefna meira í norður, taldi allt í
öruggu horfi og fór að því búnu aftur inn
Sýn yfir Hornvík þar sem Hællinn gengur lengst fram til vinstri en Miðfell skagar upp á miðri
mynd. Tindurinn Jörundur fjær til hægri en síðan Kálfatindar, allt kennileiti Hornbjargs.
Ljósm.: Páll Jónsson. Eigandi myndar: HSk.