Tímarit Máls og menningar - 01.12.2016, Blaðsíða 104
S i g r í ð u r A l b e r t s d ó t t i r
104 TMM 2016 · 4
detta menn útbyrðis og eru hífðir um borð ef ég man rétt, mikill hasar. En
þegar ég skrifaði þetta hafði ég aldrei komið um borð í skip, hvað þá siglt.
Þú ert skyldur Þórbergi Þórðarsyni ekki satt? Ég þykist einmitt hafa fundið
eitthvað af nákvæmnisáráttu hans í skrifum þínum. Vilt þú kannast við
það?
Jú, mig minnir að hann og pabbi séu þremenningar. Ég myndi frekar tala
um skrásetningaráráttu en nákvæmnisáráttu. Ég hélt skrár yfir allt sem
ég gat upphugsað til skrásetningar þegar ég var barn: Veðrabók og Ærbók
eins og áður er getið með alls kyns upplýsingum, heyskaparannál o.s.frv.
að ógleymdum hagskýrslum um sveitina sem ég bjó til en hún hlaut nafnið
Fagrasveit. Hún þróaðist sem veröld út frá einum dreng, Nonna, sem er
fæddur 15. júlí 1948 en sjálfur er ég fæddur 30. júlí sama ár. Hann var fyrr
en varði kominn með tvíburabróður, síðan foreldra og mörg systkini, bjó á
Nonnabæ. Það varð fljótlega tvíbýli og endaði sem fjórbýli. Þessi bær kallaði
á aðra og Arnór bróðir involveraðist í leikinn. Fagrasveit endaði sem fimm-
tán bæja sveit, ég réði yfir sjö, Arnór sjö og einn bær varð til sem mála-
miðlun, honum stjórnaði Þorleifur bróðir minn til þess að friður ríkti og lát
yrði á valdabaráttu.
Ég skrifaði manntal Fögrusveitar og endalaus dokúment, meira að segja
skattskýrslur föður Nonna á Nonnabæ I, það var eiginlega hámarkið, þar
sprakk kerfið!
Þess má geta að faðir minn var í svonefndri skattanefnd og það voru
skattanefndarfundir heima, þannig að ég hafði viðmið úr veruleikanum
hvað það snertir.
Þetta hljómar nú svolítið ofvirkt?
Ég var alls ekki ofvirkur. Ég skynja þetta ekki þannig. Ég var fremur
rólegur held ég, draumlyndur. En jafnframt haldinn mikilli athafnaþrá.
Stundum var ég óþolinmóður af því mér fannst ég ekki vera að gera neitt,
það væri svo margt sem ég gæti verið að gera. Hins vegar var í þessum fram-
kvæmdum einhvers konar samspil konsepts og útfærslu þar sem útfærslan
endaði í never ending story.
Draumlyndið, skrásetningaráráttan og athafnaþráin braust út í ljóð- og
leikritaskáldi mörgum árum síðar. En hér verður fyrst og síðast horft á
ljóðin. Tilurð og útkomu Ljóð vega salt hefur þú lýst ítarlega í viðtali við
Silju Aðalsteinsdóttur sem birtist í 2. hefti TMM 2006. En mig langar að
forvitnast um titilinn. Hvers vegna Ljóð vega salt? Hvernig rataði titillinn
til þín?
Það er nú það. Hvað skal segja? Það er eitthvað magískt við fyrstu bók
allra höfunda, ég hygg að í þeim megi finna lykil að öllu höfundarverkinu.
Þetta er atriði sem ég hef verið að skoða lengi og er oft hissa á því hvað þetta