Heilbrigðisskýrslur - 01.12.1939, Blaðsíða 138

136
Stofan er loftlítil og í alla staði hin óvistlegasta, illa hirt og allt of
lítil. Þetta samkomuhúsleysi er í alla staði mjög bagalegt, og háir
mjög öllu samkomu- og' félagslífi, enda ekki vanzalaust fyrir Bíld-
dælinga að eiga ekkert samkomuhús. Nú er þó mikill áhugi fyrir
þessu máli vaknaður og fjársöfnun hafin til samkomuhússbyggingar.
Ekkert gistihús er heldur til á staðnum, og er það stórbagalegt fyrir
ferðafólk.
Þingeyrar. Á Þingeyri var á árinu byggt nýtt samkomuhús. Er það
hið vandaðasta, enda var ekki rasað fyrir ráð fram, því að fjársöfnun
í þessu skyni var hafin fyrir 15 árum. A aðalhæð er stórt anddyri,
eldhús, veitingastofa, leiksvið og áhorfendasalur, sem rúmar alla
ibúa kauptúnsins. Kjallari er undir % hússins. Er þar miðstöð, 2 bað-
herbergi, 2 ræstingarherbergi með vatnssalernum og 1 geymsluher-
bergi. Húsið er úr steinsteypu í hólf og gólf.
Blönduós. Samkomuhús eru nú í öllum hreppuin héraðsins
nema 2. Mega hin nýjustu þeirra teljast mjög sæmileg, miðað víð
fólksfjölda. Sumum af kirkjunum er ekki haldið við sem skyldi
vegna erfiðs efnahags þeirra. Aftur á móti er kirkjugörðum haldið
sæmilega við.
Ólafsff. í ársbyrjun kviknaði í samkomuhúsi kauptúnsins, en
slökkviliði tókst að slökkva eldinn. Brann innan lítill salur og eld-
hús undir leiksviði hússins. Auk þess skemmdist mikið af vatni og
reyk.
Húsavíkur. Samkomuhús eru í 3 hreppum héraðsins utan Húsa-
víkur. Er eitt þeirra fágætt, ef ekki einstætt í sinni röð, því að það er
yfirbyggð sundlaug, sem tæmd er og notuð sem samkomuhús. Hin
samkomuhúsin eru bæði steinsteypuhús, og' er miðstöð i öðru þeirra,
en kolaofn í hinu. Umgengni um þau er sæmileg. í Flatey og Grímsey
eru engin samkomuhús, en barnaskólahúsin eru notuð fyrir sam-
komur. Kirkjur eru 5 i héraðinu. Kirkjan í Grímsey er upphituð með
ofni, en Brettingsstaðakirkja á Flateyjardal er óupphituð, enda ekki
messað þar nema á sumrum. Hinar kirkjurnar eru upphitaðar og vel
við haldið. Hirðing kirkjugarða er ekki til fyrirmyndar, en þó er
kirkjugarðurinn í Húsavík, sá nýi, vel hirtur. Allir eru þeir sæmilega
girtir.
Öxarff. Samkomuhús vantar tilfinnanlega. Kirkjur ættu allar að
vera komnar norður og niður. Kirkjugörðum þvrfti að sýna meiri
sóma, en þó er þar víða um framför að ræða.
Þistilff. Samkomuhús bvggt í Þistilfirði. Kirkjan á Svalbarði lítt
embættisfær að vetri. Hinar kirkjurnar góðar.
Vestmannaeyja. Yfirleitt góð umgengni nú orðið um samkomuhús.
Kirkju og kirkjugarði vel við haldið.
18. Yeggjalýs og húsaskítir. Rottur og mýs.
Læknar láta þessa getið:
Rvík. Ekki hefur verið mikið um kvartanir af því tagi á þessu ári
og jafnan reynt að bæta úr með sótthreinsun (stundum blásýru), ef
þess hefur verið óskað.