Heilbrigðisskýrslur - 01.12.1960, Qupperneq 68

1960
— 66 —
tryggingum og þá fyrst og fremst
hækkun fjölskyldubóta og ellilífeyris.
Var tekið að greiða fjölskyldubætur
með öllum börnum, kr. 2600, hvar
sem var á landinu, í stað þess að áður
höfðu ekki verið greiddar bætur fyrr
en með þriðja barni, kr. 1166 á fyrsta
og kr. 874 á öðru verðlagssvæði. Elli-
lífeyrir var hækkaður um 44%. Þá
voru í sama skyni teknar upp niður-
greiðslur á verði kornvöru, kaffis og
sykurs, sem þó voru raunar fljótlega af-
numdar aftur nema á kaffi. Þessar
ráðstafanir báru þann árangur, að jafn-
vægi náðist í greiðsluviðskiptum við
útlönd á árinu, ef frá er talin hin
mikla aukning, er varð á innflutningi
fiskiskipa. Verðlag hækkaði fyrst í
stað vegna áhrifa gengisbreytingarinn-
ar, en þeim verðhækkunum var lokið
að mestu fyrir áramót. Engar teljandi
breytingar urðu á kaupsamningum. í
lok ársins hafði því náðst jafnvægi í
efnahagsmálum bæði innanlands og
gagnvart öðrum þjóðum, sem ekki
hafði þekkzt um langt árabil. Þjóðar-
framleiðslan jókst tiltölulega litið, eða
um 3%, en það er aðeins lítið eitt
hærra en sem svarar aukningu fólks-
fjölda. Stafaði þetta fyrst og fremst af
tiltölulega slæmum aflabrögðum.
Einnig er líklegt, að hinar víðtæku
ráðstafanir í efnahagsmálum hafi í
bili haft truflandi áhrif á framleiðsl-
una. Heildarafli varð um 10% minni
að magni til en á árinu 1959, og staf-
aði það aðallega af minni síldar- og
karfaafla. Vegna aukinnar vinnslu afl-
ans og nokkurrar aukningar á afla-
verðmæti fisks, er þó talið, að fram-
leiðsluverðmæti sjávarútvegsins hafi
haldizt óbrevtt frá árinu 1959. Mikil
lækkun varð á verði mjöls og lýsis,
og skapaði það sjávarútveginum veru-
lega erfiðleika, þrátt fyrir hækkandi
verðlag á öðrum afurðum. Fram-
leiðsluaukning í landbúnaði og iðnaði
var nokkur, en hins vegar verulegur
samdráttur í byggingum. Efnahagsráð-
stafanirnar leiddu til þess, að einka-
neyzla á mann minnkaði nokkuð, jafn-
framt þvi sem sparnaður jókst. Sam-
neyzla, þ. e. stjórnsýsla, réttargæzla,
menntun og almenn heilsugæzla, sem
hið opinbera lætur í té, jókst hins
vegar verulega og meira en á undan-
förnum árum. Talið er, að einkaneyzla
hafi í heild aukizt um 0,5% og sam-
neyzla um 6,7%, en það svarar til
lækkunar einkaneyzlu á mann um
1,6% og aukningar samneyzlu um
5,3%. Fjárfesting jókst á árinu um
6,4%, en það stafaði eingöngu af hin-
um mikla innflutningi fiskiskipa, þar
sem aðrar fjárfestingarframkvæmdir
drógust verulega saman.1)
II. Fólksf jöldi, barnkoma og manndauði.2^
Fólksfjöldi 1956 1957 1958 1959 1960
Allt landið i árslok (1. des.) . . 162700 166831 170156 173855 177292
meðalmannfjöldi . 161090 164766 168494* 172006 175574
Reykjavík 65305 67589 69268 71037 72407
% af landsbúum 40,1 40,5 40,7 40,9 40,8
Hjónavígslur
Fjöldi 1336 1315 1331 1345 1309
%o af landsbúum 8,3 8,0 7,9 7,8 7,5
Lögskilnaðir hjóna
Fjöldi 102 115 143 152 125
%0 af landsbúum 0,6 0,7 0,8 0,9 0,7
Lifandi fæddir
Fjöldi 4603 4725 4641* 4837 4916
%0 af landsbúum 28,6 28,7 27,5* 28,1 28,0
1) Frá Efnahagsstofnuninni. 2) Eftir upplýsingum Hagstofunnar. * Sjá bls. 186.