Saga - 2013, Qupperneq 85

biðja að heilsa og lofa að skrifa í sumar. Hún segir fréttir af fólki,
heilsu sinni og annarra, segir af engelsku skipi sem kom á Berufjörð
að sækja hafís „en til allrar lucku firir austfirdi var hann nú ecke ad
fá“ en hún hafði heyrt að þeir engelsku væru í staðinn að höggva
„sier þar is af á eirni“. Malene hafði enga trú á að enskir kæmu þess-
um ís til síns heima „þvi nu ganga hier a deige hvurium mollur og
hitar“. Hún lýkur bréfinu með óskum um velferð lambsins síns góða
og kveðjum frá hans „af hiarta elskandi modir Malene Jens dottur“.84
Dauðinn í bréfi
Þetta var síðasta bréfið sem Malene skrifaði. Hún hafði verið heilsu-
tæp árum saman en var alla jafna ekki langorð um líðan sína í bréf-
um til Páls. ekki heldur þessu síðasta þótt hún væri orðin sárþjáð og
„plägadist af verkiaflogum um allan holbukinn“ seinni part vetrar
og bólgan undir bringspölunum yxi mikið.85 Bólgurnar orsökuðust
að því er virðist af sulli en það er Malene sjálf sem nefnir þennan þá
algenga sjúkdóm í bréfi til Páls í janúar 1824. Þá ræddi hún heilsufar
Siggeirs, yngsta sonarins sem var á níunda ári og skrifaði: „sagt er
mier ad mein eda sullur sie ad vagsa undir síduni á hönum skanns-
kie þad eigi ad verda modur arfur hans.“86
Það kom í hlut Sigríðar Ørum að skrifa Páli um dauða móður
hans en það gerði hún ekki fyrr en mánuði eftir andlátið þegar hún
hafði von um að koma bréfinu suður með Þorsteini frá Helgustöð -
um. Þegar lesin eru bréf frá nítjándu öld sést hve mikilvægt það var
að lýsa ítarlega aðdraganda og dauða ástvina í bréfum. Þetta geta
verið átakanlegar lýsingar en langoftast er dauðastundin sjálf frið -
sæl. Bréf Sigríðar Ørum er engin undantekning. Hún lýsir
kvölunum sem Malene leið, hvernig holbúkurinn blés út og upp úr
henni gekk eitthvað fagurgult „þo ei likt greftri en miøg lyktar
slæmt“ og árangurslausum tilraunum til að lina þjáningarnar. en
yfir dauðanum sjálfum var ró:
þaug fyrstu fim dægur af siúkdomi hennar kom ei blundur a hennar
augu og hin tíman ei nockurn tíma lengri svefn en vera kuni lengst tiu
minutur þangad til seinasta kveldid sindist hún ad sofa med ósid -
kvennabréfin á hallfreðarstöðum 83
84 Lbs. Lbs. 2411 a 4to. Malene Jensdóttir til Páls Pálssonar 4. maí 1824.
85 Lbs. Lbs. 2412 a 4to. Sigríður Ørum til Páls Pálssonar 21. júní 1824.
86 Lbs. Lbs. 2411 a 4to. Malene Jensdóttir til Páls Pálssonar 10. janúar 1824.
87 Lbs. Lbs. 2412 a 4to. Sigríður Ørum til Páls Pálssonar 21. júní 1824.
Saga haust 2013 NOTA_Saga haust 2004 - NOTA 23.6.2020 15:04 Page 83