Ritið : tímarit Hugvísindastofnunar - 01.10.2021, Page 107

RAGnHeIðUR JónSDóTTIR OG HeLGA HILMISDóTTIR
106
Á sama hátt er flýtt fyrir ritun í orðum eins og vænt > væntanlega og þe >
þegiðu, líkt og þó nokkur dæmi eru um í svörum við vefkönnuninni. Reyndar
sjást einnig dæmi um stafamargföldun í afklippum, sem sýnir að búnaðurinn
skiptir máli þegar kemur að vali á rithætti (sbr. umfjöllun um stafamarg-
földun hér að framan). Fimm þátttakendur vefkönnunarinnar rituðu ein-
faldlega þe í stað þegiðu, en sextán þátttakendur endurtóku bókstafinn e allt
upp í átta sinnum (þeeeeeeee).
Athyglisvert er einnig hvernig klippt er aftan af segðum. Flest dæmin um
slíkt koma fyrir undir liðnum Það skiptir ekki máli þar sem svarið skiptir
eða það skiptir birtist 101 sinni. eftirfarandi dæmi sýna notkun orðsins:
(15) Hvort viltu blátt eða rautt? Skiptir.
(16) gaur skiptir.
(17) æ skiptir.
einnig sjást stöku dæmi þess að klippt sé framan af segðum, til dæmis kjafti í
stað haltu kjafti sem kom tvisvar fyrir í hvorri könnun. Á heildina litið koma
afklippur þó mun oftar fyrir í nýrri könnuninni en þeirri eldri og þær virðast
hvorki bundnar við erlend orð né íslensk.
Séríslenskir bókstafir virðast á undanhaldi, en þá er sérstaklega átt við að
broddstafir séu ritaðir án kommu, til dæmis o í stað ó og u í stað ú, frekar
en að þ, ð og æ séu umritaðir. eftirfarandi dæmi um slíkt eru svör við vef-
könnuninni:
(18) djö er mikill stemmari her…allir sma litlir i ser eða?
(19) blessud, hvað segiru gott?
(20) kemuru ut i sigo?
Höfundar dæmanna rita hvergi broddstafi en í dæmum (18) og (19) kemur
íslenski bókstafurinn ð þó fyrir. eflaust er kommum sleppt í því skyni að
flýta fyrir ritun, en sums staðar virðist notkun íslenskra bókstafa nánast til-
viljanakennd í svörum við vefkönnuninni líkt og sjá má í dæmi (19) þar sem
bókstafurinn d er notaður til að túlka ð þó að bókstafurinn ð komi síðan fyrir
í næsta orði á eftir.
Til að kanna notkun broddstafa eru þrjú orð sem koma fyrir í svörum
beggja kannana valin af handahófi en það eru orðin fáviti, skrýtin(n)/skrít-
in(n) og hómí (e. homie). Í 2000-könnuninni er orðið fáviti ávallt ritað með