Ritið : tímarit Hugvísindastofnunar - 01.05.2022, Page 17

ÁSDÍS HelGA ÓSkARSDÓTTIR
16
an kynslóðabreidd í femínískum aðgerðum, umræðum og rannsóknum.66
Femínismi hefur aldrei haft einsleita eða samræmda hugmyndafræði, sem
er í sjálfu sér ekki alslæmt, og hugmyndin um að slíkt sé yfirhöfuð hægt er
raunar umdeilanleg.67 konur eru heldur ekki einsleitur samfélagshópur og
ein stefna öllum konum til handa er óhugsandi.
Raunar getur verið varasamt að nota bylgjulíkinginuna yfirhöfuð sem
hefur löngum þótt gagnleg til þess að lýsa þeim breytingum sem orðið hafa
í alþjóða- og nærsamfélögum í kjölfar kvennahreyfinga sögunnar. eins og
Rivers bendir á er flóknara en svo að hægt sé að tala um femíníska hug-
myndafræði sem línulega þróun og betra væri að líta á þróun hennar sem
svo að hver og ein bylgja byggi á þeirri sem á undan kom og áherslur þeirra
allra blandist svo saman.68 Bylgjulíkingin gæti jafnvel þannig gert meira
ógagn en gagn en á meðan hið tilfinningaþrungna mæðgnasamband sem
dregið er upp í umræðu um bylgjur femínismans heldur velli er sögunni um
femínismann sem línulega hugmyndafræði haldið við.69 kvennabókmenntir
þess aldurshóps sem hér er til umfjöllunar fjalla oft um mæðgnasambönd
og skáldkonurnar gera tilraunir til þess að brúa kynslóðabilið eins og vikið
verður að síðar.
66 Sama heimild bls. 30, 38.
67 Nicola Rivers, Postfeminism(s) and the arrival of the fourth wave, bls. 2–3.
68 Sama heimild, bls. 20, 29
69 Sama heimild, bls. 50. eins og Nicola Rivers fjallar um vekur þetta sérstaka athygli
þegar um raunverulegt mæðgnasamband er að ræða þar sem móðirin er frægur ann-
arrar bylgju femínisti, eins og í tilfelli mæðgnanna Alice Walker (f. 1944), rithöf-
undar, og dóttur hennar Rebeccu Walker (f. 1969). Rebecca boðaði komu þriðju
bylgjunnar í grein sem hún birti árið 1992 og hét einfaldlega „Ég er þriðja bylgjan“
og skrifaði síðar um það að femínísk hugmyndafræði Alice hafi litað allt hennar líf.
Henni hafi til dæmis ekki verið leyft að leika sér með tuskudýr og dúkkur af ótta
Alice um að það myndi vekja hjá dótturinni móðureðli síðar meir. Rebecca ítrekaði
sömu frásögn af sambandi þeirra í grein frá 2008 og ennfremur að vegna þess að hún
hafi gagnrýnt hugsjónir móður sinnar hafi orðið sambandslit á milli þeirra. Alice
Walker svaraði seinna fyrir sig og sagði málflutning Rebeccu helber ósannindi sem
hefðu sært hana mjög (bls. 16–17). Sjá einnig Alice Walker, „„Taking care of the
truth – embedded Slander. A Meditation on the Complicity of Wikipedia“, Alice
Walker. The Official Website, 29. mars 2013, sótt 7. ágúst 2018 af https://alicewalkers-
garden.com/2013/03/taking-care-of-the-truth-embedded-slander-a-meditation-
on-the-complicity-of-wikipedia/ og Rebecca Walker, „How my mother‘s fanatical
views tore us apart“, Daily Mail, 23. maí 2008, sótt 7. ágúst 2018 af https://www.
dailymail.co.uk/femail/article-1021293/How-mothers-fanatical-feminist-views-
tore-apart-daughter-The-Color-Purple-author.html.