Ritið : tímarit Hugvísindastofnunar - 01.05.2022, Síða 69

AlDA BjöRK VAlDImARSDóTTIR
68
leikfélaga mánaðarins. Hún er aldrei veraldarvön, einhver sem þú
getur í raun ekki fengið. Hún er fremur ung, hraust, einföld stúl-
ka, stúlkan í næsta húsi. Við höfum ekki áhuga á dularfullu, erfiðu
konunni, tálkvendinu, sem klæðist þokkafullum blúndunærfötum
og er sorgleg og á einhvern hátt andlega skítug. Playboy-stúlkan er
ekki í blúndu, engum nærfötum, hún er nakin, vel skrúbbuð með
sápu og vatni og hún er hamingjusöm.57
Ariel levy segir augljóst að tvöfalt siðgæði hafi einkennt heimspeki Hefn-
er og að kynlífsbyltingin sem hann boðar virðist aðeins eiga við um karla.
Konurnar sem hann umgekkst áttu að sýna honum tryggð og ósiðlegt hafi
verið fyrir konur að stunda frjálsar ástir ólíkt körlum. Í augum hans voru
þær aðeins kynferðisleg viðföng: „Ég leita ekki að jafnræði á milli karla og
kvenna. Ég er hrifinn af saklausum trúum konum […] Félagslega, andlega,
nýt ég þess meira að vera með körlum. Þegar ég vil tala, hugsa, þá er ég með
körlum.“58
Bókmenntaprófessorinn Camille Paglia er ein af þeim sem hefur stutt
Hugh Hefner. Paglia skilgreinir sig sem frjálslyndan femínista og er meðal
annars á móti því að lög séu sett gegn vændi, klámi, eiturlyfjum og þungu-
narrofi. Hún studdi til að mynda á sínum tíma frumvarp þess efnis að lækka
samræðisaldurinn niður í fjórtán ár. Bók Paglia Sexual Personae frá 1990 varð
metsölubók og var töluvert lofuð en er þó einnig umdeild, en hún hefur
meðal annars verið skilgreind sem kraftmikill fraudískur lestur á vestrænni
list. Paglia hefur verið gagnrýnd fyrir að vera ekki femínisti eða fyrir að
vera andfemínisti og styðja við karlveldi og karllæg yfirráð. Gloria Steinem
sem var einn helsti talsmaður kvennabaráttunnar á sjöunda áratugnum, he-
fur sagt að það að Paglia kalli sig femínista sé svolítið eins og að vera nasisti
sem segi að hann hati ekki gyðinga. Paglia lýsir Steinem hins vegar á móti
sem „Stalín femínismans“. Hún og Susan Faludi séu fulltrúar öfgafullrar,
femínískrar hugmyndafræði sem þær hafi gert að nýjum trúarbrögðum og
hafi með því leitt venjulegt fólk frá femínismanum.59
57 Sjá Ariel levy, Female Chauvinist Pigs. Women and the Rise of Raunch Culture, bls.
57–58. Greinarmunur Hefners á sakleysi og hraustleika og svo konum sem eru
andlega skítugar er sérstaklega forvitnilegur í ljósi ummæla Sondra Theodore
fyrrum Playboy-fyrirsætu og kærustu Hefners sem ég ræði síðar í greininni um það
hvernig sakleysi og fegurð ungu fyrirsætanna skolaðist burt á setrinu (sjá tilvitnun í
Theodore fyrir ofan neðanmálsgrein 67).
58 Sama heimild, bls. 59.
59 Sjá jeanie Pyun, „Camille Paglia on Hugh Hefner’s legacy, Trumps masculinity