Ritið : tímarit Hugvísindastofnunar - 01.05.2022, Síða 75

AlDA BjöRK VAlDImARSDóTTIR
74
til kynfrelsis kvenna eins og hún var sett fram af raunch-kynslóðinni. Þátt-
urinn „Sex and Another City“ segir, eins og áður kom fram, frá því þegar
söguhetjurnar fjórar mæta í partý í Playboy-setur Hefners og því er ekki að
neita að honum er lyft á stall með veru sinni í þáttunum. Heimsóknin á að
gefa til kynna hversu vel tengd Samantha sé að fá jafn eftirsóknarvert boð
þar sem stjörnur og annað frægt fólk eru tíðir gestir og taka þátt í villtum
veisluhöldum.78
Hugsanlega má þó halda því fram að þátturinn varpi fram spurningum
um hvað sé ekta og hvað falskt og gefi með því til kynna að vinkonurnar
passi ekki inn í heim þar sem konurnar eru með gervibrjóst, klæddar upp
og hlutgerðar sem kanínur með það í hug að gera fantasíur karlsins að veru-
leika. Slík túlkun væri áréttuð í sjálfri frásögninni í því að fyrir veisluna hefur
Samantha keyrt um í tvo tíma í los Angeles til þess að næla sér í falsaða
Fendi-tösku en svo tapað henni í veislunni. Hún ásakar eina af kanínum
Hefners um að hafa stolið töskunni en taska kanínunnar reynist vera ósvikin
Fendi og verðir koma og fleygja Samönthu út ásamt vinkonum hennar. Sam-
antha hefur kannski ekki aðgang að sannri merkjavöru eins og kanínurnar
en hún er samt annað og meira en einfeldningsleg birtingarmynd draumóra
karlveldisins um kynferði kvenna. Hún er of sjálfstæð, of frökk og með of
sterka sjálfsmynd til þess að passa inn í slíkt hlutverk. Hún er virk kynvera
en á sínum eigin forsendum og býr sér til sitt eigið heimspekikerfi sem hún
lifir eftir. En þrátt fyrir þetta er hvergi að finna beina gagnrýni á Playboy-
kónginn í þættinum eða það sem hann stendur fyrir og það er óneitanlega
áhugavert að sjá hvernig rödd jafn umdeilds manns eins og Hughs Hefner
fær hljómgrunn í póstfemínískum boðskap þáttaraðarinnar. markmiðið með
hugmyndafræðinni átti aldrei að snúast um hlutgervingu mótaða á karllæg-
um fantasíum karla, hvað þá ósamþykkta kynhegðun sem leiði til niðurbrots
sjálfsverunnar, heldur átti konan sjálf að vera við stjórnvölinn sem virk og
sjálfstæð kynvera líkt og í tilfelli Samönthu.
Í Sex and the City má sjá hvernig væntingum og minnum úr eldri kven-
namyndum er snúið upp í eitthvað nútímalegra og túlkunarkrafa handrits-
höfundanna í ofangreindri senu og öðrum er sú að frásögnin sé femínísk
eða þjóni kvenlegu sjálfstæði. Það má jafnframt spyrja sig hvort sagan sem
Carrie Bradshaw (Sarah jessica Parker) segir í þáttaröðinni grafi undan
hefðbundnum hugmyndum um kynhlutverk í frásögnum sem snúast um líf
og reynslu kvenna. Er hægt að fullyrða að meginspurning Sex and the City sé
78 Um gestalistana má m.a. fræðast í Secrets of Playboy (1:1).