Ritið : tímarit Hugvísindastofnunar - 01.05.2022, Side 79

AlDA BjöRK VAlDImARSDóTTIR
78
nútímakonunnar og þeir gefa til kynna að það sé ýmislegt eftirsóknarvert
við líf einhleypra kvenna. Einn af framleiðendunum michael Patrick King
hefur sagt: „Við fáum að segja það sem enginn myndi nokkru sinni segja við
einhleypt fólk á fertugsaldri, sem er að kannski sé líf þeirra betra en líf þeirra
giftu. En við sýnum einnig vandamálin hjá þeim einhleypu, vandamálin hjá
þeim sem eru giftir auk þess sem við segjum frá ástinni í lífi þeirra sem eru
giftir.“87
nokkuð augljóst er að þættirnir fagna einhleypu konunni en henni er
gjarnan stillt upp andspænis giftu konunni og móðurinni sem eru óspenn-
andi í samanburðinum. Þrátt fyrir yfirlýsingar michael Patrick King verður
ekki séð að þættirnir velti sér upp úr vandamálum þess að vera einhleyp
kona. Áhugavert er að strax á fyrsta ári seríunnar birtist gifta konan og móð-
irin á fremur gróteskan hátt, jafnvel sem nokkurs konar úrkast. Gömul vin-
kona kvennanna fjögurra er ófrísk og býður þeim í sængurgjafaveislu þar
sem markvisst er dreginn fram munurinn á heimi hinna einhleypu og giftu
kvennanna en þær eru kjánalegar og virðast vansælar. Ein þeirra segir að
sonur sinn sé „guð og ég segi honum það á hverjum degi.“ miranda verður
svo leið á konunum og börnunum í veislunni að hún segir við Carrie að
nornin í Hans og Grétu hafi verið misskilin. „Hún hafi byggt draumahúsið
sitt og síðan hafi þessar frekjudósir komið og byrjað að éta það.“ Samantha
heldur í kjölfarið „ég-á-ekki-barn-veislu“ til þess að sýna öllum hversu „stór-
kostleg“ hún sé. Kasólétt vinkona þeirra, sú sem hélt sængurgjafaveisluna,
mætir og gerir sig að athlægi þegar hún ætlar að strippa fyrir gestina líkt og
hún gerði á sínum eigin djammárum.88 Gifta konan og móðirin eru þannig
sýndar sem ringlaðar, ráðvilltar manneskjur sem eru jafnvel orðnar félags-
lega og tilfinningalega heftar.
Þættirnir leggja einnig áherslu á óhamingju þeirra sem gifta sig. Kunn-
ingjakona Carrie giftir sig í þættinum „The Turtle and the Hare“. Eftir
politics and the single woman in Sex and the City and beyond“, Reading Sex and
the City, ritstj. Kim Akass og janet mcCabe (london og new York: I.B. Tauris,
2004), bls. 83–95, hér bls. 85. Sjá einnig Pamela Paul, The Starter Marriage and
the Future of Matrimony, new York: Villard Books, 2002, bls. xvi. Sister Carrie er
vísun í samnefnda stórborgarfrásögn bandaríska rithöfundarins Theodores Dreiser
frá 1900 og þótt sögusviðið þar sé Chicago en ekki new York er skáldsagan ein
mikilvægasta fyrirmynd borgarsögunnar í bandarískri menningu. Skáldsagan
hefur komið út á íslensku í þýðingu Atla magnússonar (Carrie systir, Reykjavík:
Bókaútgáfan Skjaldborg, 1999).
87 Amy Sohn, Sex and the City. Kiss and Tell, bls. 37.
88 Sex and the City, „The Baby Shower“ (1:10).