Ritið : tímarit Hugvísindastofnunar - 01.05.2022, Side 134

FITJAð Upp Á nýTT
133
vegis. Þó að kvenkyns guðsmyndir í Ritningunni séu ekki margar, reyndust
þær mikilvægar fyrirmyndir að því hvernig sækja má líkingar í reynsluheim
kvenna til að tjá eðli og eiginleika guðdómsins. nokkrar myndir hafa verið
mest áberandi í umræðunni en þær koma allar úr spádómsbók Jesaja.48 Á
meðal þeirra eru myndir sem eiga það sameiginlegt að vísa í reynslu kon-
unnar af móðurhlutverkinu. Fyrst er að nefna mynd af jóðsjúkri konu sem
æpir af kvölum og túlkar í þessu samhengi líðan Guðs sem rembist við að
koma lýð sínum til hjálpar í útlegðinni í Babýlon og leiða þau aftur heim til
Jerúsalem:
Ég hef þagað frá öndverðu,
verið hljóður og ekki hafst að.
nú mun ég hljóða eins og kona í barnsnauð,
stynja og standa á öndinni.
(Jes 42.14)
næst er myndlíking af Guði sem áréttar væntumþykju sína fyrir þjóð sinni
með því að líkja henni við ást og umhyggju móður fyrir barni sínu:
Hvort fær kona gleymt brjóstbarni sínu
að hún miskunni eigi lífsafkvæmi sínu?
Og þó að þær gætu gleymt
þá gleymi ég þér samt ekki.
(Jes 49.15)
Loks er það líkingin af Guði sem tjáir kærleika sinn til barna sinna „eins og
móðir“:
Eins og móðir huggar barn sitt,
eins mun ég hugga yður,
í Jerúsalem verðið þér huggaðir.
(Jes 66.13)
48 Sjá fleiri dæmi úr spádómsbók Jesaja og þýðingu þessara texta í biblíuþýðingunni
sem kom út árið 2007: Arnfríður Guðmundsdóttir, „Hvers kyns Biblía? Jafnrétt-
isumræðan og Biblíuþýðingin“, Ritröð Guðfræðistofnunar 16/2002, Reykjavík: Guð-
fræðistofnun – Skálholtsútgáfan, bls. 67–82, hér 71–74.