Goðasteinn - 01.09.1963, Blaðsíða 17

annars varð að höggva þá sundur. Sykurtoppar þessir komu í
mjög stórum ámum. Var verra að fá sjó yfir bátinn við uppskipun,
þegar þessar ámur voru í skutnum, því að þá varð allt ónýtt, ef
vöknaði. Kaffið kom í 100 punda sekkjum og oft tóku stærri
bændur heilan sekk, hver.
Skjóðurnar, vatnsheldu, voru lengi notaðar sem umbúðir fyrir
blástein og hellulit, er mikið var keypt af. Blásteinn var notaður
til skinnlitunar meðan gærur voru rakaðar og skinnin notuð til
skógerðar og í sjóklæði, stakka og buxur, svo og skinnsokka, því
að lítið fluttist inn af stígvélum og erlendum skófatnaði. Margar
kýrhúðir voru fluttar hingað frá Danmörku til skógerðar.
Faðir minn, Halldór Jónsson, verzlaði í Félagshúsinu jafnframt
því, sem hann afgreiddi þar félagsvörur þangað til 1898. Eftir
það verzlaði hann þar áfram fyrir eigin reikning, þar til hann
byggði sín verzlunarhús árið 1903 og vörugeymslu 1904. Árið 1906
reisti hann og geymsluhús fyrir kol og salt. Skúr setti hann norðan
við verzlunarhúsið fyrir steinolíu, er kom á trétunnum. Sumir
bændur tóku heila tunnu, en margir tóku yfir árið 20-40 lítra,
er mælt var á brúsa. Vcrzlunarhús föður rníns voru ætíð nefnd
Halldórsbúð. Eftir fráfall hans árið 1926, er við synir hans tókum
við verzluninni, nefndum við hana Verzlun Halldórs Jónssonar,
en áfram gekk hún venjulega undir fyrra nafni.
Aðallega voru það tvö verzlunarfyrirtæki, sem Halldór Jónsson
skipti við erlendis. Hjá Louis Zöllner í New-Castle fékk hann
enskar vörur, og hafði Zöllner í mörg ár skip í förum, er komu
hér við og losuðu vörur. Fyrir Zöllner voru og keypt hross hér
eystra og allt að Markarfljóti í Rangárvallasýslu og rekin til
Reykjavíkur, þar sem útskipun þeirra fór fram. Jakob Gunnlaugs-
son hóf umboðsverzlun í Kaupmannahöfn árið 1895, og þá þegar
hófust viðskipti Halldórs við hann. Sendi hann brátt hingað full-
fermd skip á hverju vori, fyrst seglskip og síðar gufuskip. Ætíð
var umsamið, að skipin losuðu allt, og gat það tekið allt að
mánaðartíma, ef veður var óhagstætt. Vöruskipin komu venjulega
í maímánuði. Jakob Gunnlaugsson útvegaði einkum vörur frá
Danmörku, Þýzkalandi og víðar að. Á hans vegum kom hingað
1906 fullfermt timburskip frá Halmstað í Svíþjóð, og var mikil
»5
Goðasteinn