Goðasteinn - 01.09.1963, Blaðsíða 36

Jón R. Hjálmarsson:
Ferð um Fimmvörðuháls
Sumarið 1960 hóf flugbjörgunarsveit Austur-Eyfellinga það stór-
virki, að leggja akfæran veg frá Skógum inn að Fimmvörðuhálsi,
sem er fjallshryggurinn milli Eyjafjallajökuls og Mýrdalsjökuls. Á
hverju sumri síðan hefur nokkuð verið unnið að endurbótum á
vegi þessum. Mestur hluti verksins var- framkvæmdur með jarð-
ýtu, en einnig var tínt mikið grjót úr veginum, nokkrir kaflar hans
malarbornir og stikur settar meðfram leiðinni frá miðri Skóga-
heiði inn að skála Fjallamanna á Fimmvörðuhálsi. Megintilgang-
urinn, með því að gera leið þessa akfæra, er að sjálfsögðu sá, að
auðvelda leitarflokkum að komast í skyndi á vettvang, ef flug-
slys verða hér á jöklunum, en auk þess er hálendið á þessum
slóðum kjörið æfingasvæði fyrir flugbjörgunarsveitina.
Vegagerð þessi hefur kostað ærið fé, og hefur flugbjörgunar-
sveitin lagt þar fram drýgsta hlutann. Einnig hefur fengizt nokkur
styrkur úr fjallvegasjóði hins opinbera, og stuðlaði Fjallamanna-
félagið í Reykjavík mjög að þeirri fjáröflun og þá ekki hvað sízt
formaður þess, Guðmundur Einarsson frá Miðdal, er sífellt var
boðinn og búinn að liðsinna flugbjörgunarsveitinni með ráðum og
dáð. Þá hefur sýslusjóður Rangárvallasýslu veitt fé til fram-
kvæmdarinnar. En síðast og ekki sízt hafa margir meðlimir flug-
björgunarsveitarinnar og ýmsir aðrir lagt fram mikið starf í sjálf-
boðavinnu að vegargerð þessari. Nú er leiðin orðin sæmilega
greiðfær fyrir bifreiðir með drif á öllum hjólum, en fremur er
vegurinn seinfarinn og grýttur. Það mun vera um 20 km. leið
frá Skógaskóla inn undir Fimmvörðuháls, og tekur ferðin þangað
varla minna en eina og hálfa klukkustund. Margir hafa fárið þenna
34
Goðasteinn