Goðasteinn - 01.09.1963, Blaðsíða 18

vinna við að losa það. Voru mörg hús byggð af þeim farmi. Ann-
ars kom trjáviður venjulega á þilfari vöruskipanna. Auk þessara
föstu ferða, sem heildsalarnir höfðu hingað, sendu þeir einnig
vörur til umhlcðslu í strandferðaskipin. Heildsalar hér innanlands
hófu ekki starfsemi, fyrr en árið 1906. Þessar beinu ferðir full-
fermdra skipa hingað frá útlöndum hættu árið 1925, er Eimskipa-
félagið tók að sér alla flutninga í þennan landshluta og hafði í
förum svo nefnt Suðurlandsskip til að annast þá. Með þeirri
breytingu var hægt að koma vörum erlendis frá í Öræfi, Hvalsíki,
Skaftárós og Hallgeirsey í Landeyjum. Selfoss gamli var lengi í
þessum flutningum, og fékkst til þeirra nokkur styrkur.
Þessir fyrrnefndu heildsalar sendu árlega mikið af sýnishornum,
er tilheyrði vefnaðarvöru, til mikils hagræðis fyrir val vörunnar
og pöntun. Var þetta allvíðtækt og frá mörgum löndum. Sýnis-
horn af tilbúnum fatnaði komu einnig. Á þessum tímum komu
allar brauðvörur frá Danmörku, svo sem skonrok, kringlur, tví-
bökur, og einnig sætar kökur í kössum og dósum. Vörur þessar
komu ætíð í nýjum kjöttunnum til að verja þær fyrir því að
blotna við uppskipun.
Strandferðir hófust hingað árið 1898, og sé ég að gufuskipið
Hólar, strandferðaskip Samcinaða Gufuskipafélagsins, hefur komið
hér í fyrsta sinn þann 17. 7. það ár. Skip þetta hafði ferðir frá
Reykjavík, með suðurströndinni til Akureyrar, sneri þar við og
fór sömu leið til baka. Hafði það áætlun hingað í báðurn leiðum,
og þrátt fyrir, að stundum hindraði brim, þá gat það oft losað hér
í annarri hvorri leið, og fólk tekið sér héðan far með því til
Reykjavíkur. Með skipinu var oft fjöldi farþega vegna mikillar
atvinnu á Austfjörðum á þessum árum. Var því erfitt fyrir skipið
að bíða lengi hér við brimströndina. Það kom jafnvel fyrir, að
Hólar létti, eftir að hafa flautað nokkrum sinnum, og sigldi burt,
þó sjór væri að verða fær til afgreiðslu. Mörg strandferðaskip
komu hér, eftir að Hólar hætti ferðum, og er ekki ástæða að
telja þau upp hér. Einnig kom fjöldi mótorbáta. Að sumri til
var reynt að ná í millilandaskip til að taka hér ull á útleið frá
Rcykjavík, svo sem Gullfoss gamla, Brúarfoss, Sterling og ísland.
Þetta heppnaðist stundum, en æðioft hindraði brimið afgreiðslu.
16
Goðasteinn