Goðasteinn - 01.09.1963, Blaðsíða 6

aðra að vori og hina að hausti, en almennt hefur það ekki verið.
Hvað segði fólk nú á tímum um þetta, að komast aðeins einu
sinni á ári í verzlunarbúð og taka allar sínar þarfir þá yfir árið?
Hætt er líka við, að oft hafi sitthvað vantað.
Fyrsti vísir til verzlunar hér er árið 1885, þegar fyrsta skipið
lætur akkeri falla hér á Víkinni til að losa vörur. Árið áður kom
þó fyrsti vöruslattinn, smásending utanlands frá, með skipinu
Camuens til Vestmannaeyja hinn 23. júní 1884. Þann vöruslatta
pantaði faðir minn, Halldór Jónsson, fyrir sitt heimili, efalaust
mest matvörur, kaffi og sykur. Ekki verður séð, á hvern hátt
þessar vörur voru fluttar til Víkur, en sennilega hefur þeim verið
skipað upp á Landeyjasandi og fluttar þangað á opnum bátum.
Er þessa getið í bókinni „Merkir Mýrdælingar“.
Eins og fyrr var getið, hófust vöruflutningar hingað til Víkur
13. júlí 1885, er hákarlaskipið Jósefína frá Vestmannaeyjum lét hér
akkeri falla. Skipstjóri á Jósefínu var Jósef Valdason, faðir Jó-
hanns Jósefssonar, alþingismanns. Jósefína var þilskip, seglskip,
ætluð til fiskveiða, en stundum var hún höfð til flutninga milli
hafna við Faxaflóa og víðar. Þessi fyrsta ferð Jósefínu til Víkur
gekk ágætlega, sjór var ládauður, og vafalaust hefur það haft góð
áhrif og gefið vonir um framtíðarverzlun.
Faðir minn fór sjálfur til Vestmannaeyja til að útvega skip og
fékk þá skipið Jósefínu leigt. En vörurnar hafði hann fengið er-
lendis frá til Vestmannaeyja, og voru þær nú í stærri stíl en
árið áður. Mánaðardag og ár, er skip þetta kom til Víkur, hefur
faðir minn skrifað í dagbækur sínar og getið þess aðeins, að vel
hafi heppnazt. Allt er glatað um, hvaða vörur þetta voru, en
sennilega hafa það verið enskar vörur frá Coghill fjárkaupmanni,
er þá keypti sauði og hross til útflutnings og faðir minn skipti
við. Það sést í verzlunarbókum, að þeir hafa skipt saman, og
árið 1889 telur faðir minn, að á tímabili skuldi hann Coghill kr.
2612,00, er gat ekki verið fyrir annað en vörur.
Hjalti Jónsson skipstjóri, sem ættaður var héðan úr Mýrdaln-
um, lætur þess getið í æviminningum sínum, að Halldór faðir
minn, hafi komið til Vestmannaeyja til að útvega skip með vöru-
slatta, er hann hafði fengið þangað. Einnig getur hann þess, að
4
Goðastemn